jyothika பொன்மகள் வந்தாள் படக்குழுவினரின் திடீர் சர்ப்ரைஸ்!

தமிழ் புத்தாண்டை முன்னிட்டு பொன்மகள் வந்தாள் படத்தின் புதிய போஸ்டர் ஒன்று வெளியிடப்பட்டுள்ளது. அந்த போஸ்டரில் சர்ப்ரைஸ்களும் உள்ளன. சூரரைப் போற்று படம் ரிலீஸ் ஆகாத நிலையில் இந்த பட போஸ்டரை கொண்டாடி வருகின்றனர் சூர்யா ரசிகர்கள்.

சூர்யாவின் 2டி எண்டர்டெய்ன்மெண்ட் தயாரிப்பு நிறுவனம் தனது ட்விட்டர் பக்கத்தில் இந்த போஸ்டரை வெளியிட்டுள்ளது.



ஜேஜே ப்ரட்ரிக் இயக்கும் இந்த படத்தில் ஜோதிகா கதையின் நாயகியாக நடிக்கிறார். அவருடன் கே பாக்யராஜ், பாண்டியராஜன், பிரதாப் போத்தன், தியாகராஜன், பார்த்திபன் என பிரமாதமான நடிகர்கள் இணைந்துள்ள போஸ்டர்தான் தற்போது வெளியாகியுள்ளது.

தாமதமான நீதியும் அநீதியே என இந்த போஸ்டரில் குறிப்பிடப்பட்டுள்ளது. இதனால் இந்த படத்தின் கதையை மக்கள் ஏற்கனவே யூகித்துவிட்டனர். இந்த கதை ஏற்கனவே நடந்த ஒரு நிகழ்வின் அடிப்படையில் உருவாகியுள்ளதாகவும் கூறப்படுகிறது. ஒளிப்பதிவு ராம்ஜி, எடிட்டிங் ரூபன். இசை கோவிந்த் வசந்தா.

ஜோதிகா, பார்த்திபன், பாண்டியராஜன் ஆகியோர் வழக்கறிஞர் கதாபாத்திரத்தில் நடிப்பது இந்த உடையை பார்க்கும்போதே தெரிகிறது. பார்த்திபன் ஜோதிகாவுக்கு எதிரான வழக்கறிஞராக இருப்பார் என யூகிக்கின்றனர் நெட்டிசன்கள்.

சூர்யா நடிப்பில் சூரரைப் போற்று படம் இந்த மாதம் வெளியாகவேண்டியது. ஊரடங்கு உத்தரவு அமலில் இருப்பதால் இனி அது சாத்தியமில்லை. எனினும் ஜோதிகாவின் பட போஸ்டர் வெளியானதால் சற்று மகிழ்ச்சியடைந்துள்ளனர் சூர்யா ரசிகர்கள்.