Ponniyin Selvan:நாலே நாளில் ரூ. 250 கோடி வசூலித்த பொன்னியின் செல்வன்: புது சாதனை...

மணிரத்னத்தின் கனவுப்படமான பொன்னியின் செல்வன் செப்டம்பர் 30ம் தேதி தியேட்டர்களில் ரிலீஸானது. பொன்னியின் செல்வன் படம் ஓடும் தியேட்டர்களில் டிக்கெட் கிடைப்பது கடினமாக இருக்கிறது. காட்சிகளின் எண்ணிக்கையை அதிகரித்தும் டிக்கெட் குறைபாடாக உள்ளது. இந்நிலையில் வசூல் விபரம் வெளியாகி ரசிகர்களை மகிழ்ச்சி அடைய வைத்திருக்கிறது.

பொன்னியின் செல்வன் படம் ரிலீஸான நான்கு நாட்களில் உலக அளவில் ரூ. 250 கோடிக்கும் மேல் வசூல் செய்திருக்கிறது. விடுமுறை நாட்களாக இருப்பதால் இந்த வாரமும் பொன்னியின் செல்வனின் வசூல் வேட்டை தொடரும் என்பதில் சந்தேகமே இல்லை.

ரிலீஸான வேகத்தில் ரூ. 200 கோடி வசூல் செய்த மூன்றாவது தமிழ் படம் என்ற பெருமையை பெற்றுள்ளது பொன்னியின் செல்வன். ரஜினிகாந்த் நடிப்பில் வெளியான 2.0 மற்றும் கபாலி ஆகிய படங்களை அடுத்து வேகமாக ரூ. 200 கோடி வசூல் செய்த படமாக இருக்கிறது பொன்னியின் செல்வன்.

பொன்னியின் செல்வன் நாவலை படித்தவர்கள் படம் பார்த்துவிட்டு குறை சொன்னாலும் அதனால் வசூலில் எந்தவித பாதிப்பும் இல்லை. பொன்னியின் செல்வனை திரையில் காணும் ஆசையுடன் பலரும் தியேட்டருக்கு சென்று கொண்டிருக்கிறார்கள். தமிழகத்தை அடுத்து கேரளாவில் பொன்னியின் செல்வனுக்கு அமோக வரவேற்பு கிடைத்திருக்கிறது.