கலாமின் அறிவியல் ஆலோசர் - ரஜினி சந்திப்பு

முன்னாள் குடியரசுதலைவர் அப்துல்கலாமின் அறிவியல் ஆலோசர் பொன்ராஜ் ரஜினியை சந்தித்தார்.

கலாம் பெயரில் அரசியல் கட்சி தொடங்கி இருக்கும் பொன்ராஜ் பல தலைவர்களை சந்தித்து வருகிறார். ரஜினி-பொன்ராஜ் சந்திப்பின்போது அரசியல் தொடர்பான ஆலோசனையே முக்கிய இடம் பெற்றுள்ளதாக தகவல்கள் வெளியாகியுள்ளது.

ரஜினி- பொன்ராஜ் சந்திப்பின்போது , நதிகள் இணைப்பு, அரசியல் நிலவரங்கள் பற்றி விரிவாக ஆலோசித்ததாக கூறப்படுகிறது. ரஜினி அரசியலுக்கு வருவது பற்றி பொன்ராஜ் ரஜினியிடம் கேள்வி கேட்டதாகவும் அதற்கு ரஜினி கடவுள் விருப்பம் அதுவாக இருந்தால் நிச்சயம் நடக்கும் என்று தெரிவித்ததாக பொன்ராஜ் வட்டார தகவல்கள் தெரிவிக்கின்றனர்.

ரஜினியின் அடுத்த படத்தை மருமகன் தனுஷ் தயாரிக்கிறார். அந்த படம் முடிந்ததும் அடுத்த வருடம் அவர் அரசியலில் குதிப்பார் என்று கூறப்படுகிறது.