இதற்கு அடிமையான நடிகை பூஜா ஹெக்டே!

நடிகை பூஜா ஹெக்டே இதை அணியும் பழக்கத்திற்கு அடிமையாகி விட்டதாக அவரே கூறியுள்ளார்.

சினிமா நட்சத்திரங்களில் பலர் வெவ்வேறு விதங்களில் அடிமையாகி வருகின்றனர். கடந்த ஆண்டு தெலுங்கு திரையுலகத்தைச் சேர்ந்த பலர் போதைக்கு அடிமையாகி இருந்ததாக பரபரப்பாக தகவல்கள் வெளிவந்தன. பிறகு அந்த விஷயம் அப்படியே அமுங்கிவிட்டது. ஆனால் சில நட்சத்திரங்கள் வேறு சில விஷயங்களுக்கு அடிமையாகிவிடுகின்றனர். ஒரு சிலர் சாப்பாட்டு பிரியராக இருப்பர். பீட்ஸா, பர்கர், பிரியாணிக்கு அடிமையாவதுண்டு. இன்னும் சிலர் விதவிதமான உடைகள் வாங்குவதில் ஆர்வம் காட்டுவர்.

தமிழில் ‘முகமூடி’ படத்தில் நடித்தவர் நடிகை பூஜா ஹெக்டே. தற்போது இவர் ஒரு விஷயத்துக்கு ரொம்பவும் அடிமையாகிவிட்டதாகவும் அதை விட முடியவில்லை என்றும் கூறியுள்ளார்.

இதுகுறித்து அவரே கூறுகையில், ‘‘என்னை ரொம்பவும் அடிமையாக்கியது கூலிங் கிளாஸ் அணியும் பழக்கம்தான். என் வீட்டில் அடுக்கடுக்காக கூலிங்கிளாஸ் வாங்கி வைத்திருக்கிறேன். எப்போது ஷாப்பிங் சென்றாலும் கூலிங்கிளாஸ் வாங்கத் தவறமாட்டேன். என் வீட்டில் உள்ளவர்கள் கூட எதற்காக இவ்வளவு கூலிங்கிளாஸ் வாங்கி வைத்திருக்கிறாய் என்று கிண்டலடிப்பார்கள்.

ஆனால் என்னால் அதை கட்டுப்படுத்தமுடியவில்லை. கடைசியில் எனக்கு நானே சமாதானம் செய்துகொண்டேன். என் அழகை மெருகேற்றி காட்டும் விதமாக கூலிங்கிளாஸ் உள்ளது. அதை ஏன் தவிர்க்க வேண்டும் என்று முடிவு செய்துகொண்டேன்’’ என்றார் பூஜா ஹெக்டே.