பிறந்தநாளில் மகேஷ்பாபுவை கிண்டலடித்த பூஜாவுக்கு ரசிகர்கள் கண்டனம்!

பிறந்தநாளில் மகேஷ்பாபுவை டுவிட்டர் மூலம் கிண்டலடித்த நடிகை பூஜா ஹெட்ஜேவுக்கு ரசிகர்கள் கண்டனம் தெரிவித்துள்ளனர்.

நடிகை பூஜா ஹெட்ஜ், தமிழில் ‘முகமூடி’ படத்தில் அறிமுகமானார். இந்தப் படத்தில் ஜீவாவுக்கு ஜோடியாக நடித்துள்ளார். அதையடுத்து தமிழில் போதிய வாய்ப்பு இல்லாமல் தெலுங்கு, ஹிந்தி படங்களில் நடிக்க தொடங்கினார். இந்த வருடம் மட்டும் இவர் நடித்த 3 படங்கள் வெளியாகியுள்ளன. ஏற்கனவே அவர் நடிப்பில் வெளியாகியுள்ள படம் ‘ரங்கஸ்தலம்’. தற்போது பிரபாஸுடன் இணைந்து ஒரு படத்தில் நடித்து வருகிறார்.

இந்நிலையில் நடிகர் மகேஷ்பாபு நேற்று முன் தினம் பிறந்தநாள் கொண்டாடினார். இதற்கு நடிகை பூஜாவும் ட்விட்டர் மூலம் வாழ்த்துக்களை தெரிவித்திருந்தார். இதில் அவர் கொஞ்சம் கிண்டலாக பதிவிட்டிருந்தார். இதனால் கோபமடைந்த ரசிகர்கள் மகேஷ் பாபுவுக்கு உரிய மரியாதையை அவர் கொடுக்கவில்லை என கூறி அவருக்கு டுவிட்டரில் கண்டனம் தெரிவித்துள்ளனர்.