அஜீத்துக்காக 300 கட்அவுட்டுகள் வைத்த பிரபல தயாரிப்பாளர்!

‘பில்லா பாண்டி’ படத்தில் நடிகர் அஜீத்துக்காக 300 கட்அவுட்டுகள் மற்றும் பேனர்களை வைத்துள்ளார் தயாரிப்பாளரும், நடிகருமான ஆர்.கே.சுரேஷ்.

பிரபல தயாரிப்பாளர் ஆர்.கே.சுரேஷ் தற்போது ‘பில்லா பாண்டி’ படத்தில் ஹீரோவாக நடித்து வருகிறார். இந்தப் படத்தில் இடம் பெறும் ஒரு காட்சியில் நடிகர் அஜீத்துக்காக சுமார் 300 கட்-அவுட் மற்றும் பேனர்களை நடிகர் ஆர்.கே.சுரேஷ் வைத்துள்ளார்.

ஆர்.கே.சுரேஷ் நடித்து வரும் ‘பில்லா பாண்டி’ படத்தின் படப்பிடிப்பு இறுதிக்கட்டத்தில் உள்ள நிலையில் இந்த படத்தில் தல அஜீத் புகழ்பாடும் ஒரு பாடல் உள்ளதாம். ‘எங்க குல தங்கம், எங்க தல சிங்கம்‘ என்று தொடங்கும் இந்த பாடலுக்கு ஆர்.கே.சுரேஷ் ஏராளமான ஜூனியர் ஆர்ட்டிஸ்ட்களுடன் நடனம் ஆடவுள்ளார்.

இந்த பாடலுக்காக சுமார் 300 அஜீத் பேனர்கள், கட் அவுட்டுக்கள் தயாராகியுள்ளது. இந்த பாடலின் படப்பிடிப்பு விறுவிறுப்பாக நடந்து வருகிறது. ஆர்.கே.சுரேஷ், இந்துஜா, யோகிபாபு, தம்பி ராமையா உள்ளிட்ட பலர் நடித்து வரும் இந்த படத்தை சரவணஷக்தி இயக்கி வருகிறார். படத்திற்கு இளையவன் இசையமைத்து வருகிறார்.