பிரபுதேவா நடிக்கும் லட்சுமி படத்தின் இரண்டாவது டீசர் வெளியீடு !

பிரபு தேவாநடிக்கும் லட்சிமி படத்தின் இரண்டாவது டீசர் வெளியாகி உள்ளது.

தேவி படத்தைத் தொடர்ந்து 'குலேபகாவலி', 'மெர்க்குரி' ஆகிய படங்கள் ரிலீஸாகி ரசிகர்களிடையே வரவேற்பை பெற்றன. இதனையடுத்து பிரபுதேவா 'லட்சுமி', 'யங் மங் சங்', 'சார்லி சாப்ளின் 2' ஆகிய படங்களில் நடித்து கொண்டிருக்கிறார். மேலும், சல்மான் கானை வைத்து இந்தியில் 'தபாங் 3' படத்தை இயக்கவிருக்கிறார்.

’தியா’ படத்திற்குப் பிறகு விஜய் இயக்கியிருக்கும் படம் `லக்ஷ்மி'. பிரபுதேவா, ஐஸ்வர்யா ராஜேஷ், தித்யா பாண்டே, கருணாகரன், கோவை சரளா ஆகியோர் இப்படத்தில் நடித்திருக்கிறார்கள். நடனத்தை மையமாக வைத்து உருவாகியிருக்கிறது இப்படம்.

இப்படத்தின் டீசர் முன்பே வெளியாகி நல்ல வரவேற்பைப் பெற்றது. இப்போது இதன் இரண்டாவது டீசர் வெளியாகியுள்ளது. சியாம் சி.எஸ். இசையமைத்திருக்கும் இப்படத்திற்கு நீரவ் ஷா ஒளிப்பதிவு செய்திருக்கிறார்.

மெர்குரி படத்திற்கு பிறகு பிரபுதேவா இந்த திரைப்படத்தில் நடிக்கிறார். மெர்குரி படத்தில் நடிகர் பிரபுதேவா வித்தியாசமான நடிப்பை வெளிபடுத்தி இருந்தார். மேலும் இந்த திரைப்படத்திலும் அவர் சிறப்பாக நடித்துள்ளார் என்று இயக்குநர் விஜய் கூறியுள்ளார்.