பிரபுதேவாவுடன் இணைந்த மூன்று ஹீரோயின்கள்!

ஏ.எல். விஜய் இயக்கத்தில் பிரபுதேவா நடிக்கவிருக்கும் ‘தேவி 2’ படத்தில் மூன்று ஹீரோயின்கள் நடித்து வருகின்றனர்..

பிரபுதேவா, தமன்னா நடிப்பில் 2016ல் வெளியான ஹாரர் காமெடி படம் ‘தேவி’. இந்தப் படம் தமிழ், தெலுங்கு மற்றும் இந்தியில் வெளியானது. இந்தப் படத்தை ஏ.எல். விஜய் இயக்கியிருந்தார். இந்தப் படத்தை பிரபுதேவா ஸ்டுடியோஸ் நிறுவனம் தயாரித்தது. தமிழில் இந்தப் படத்தை, ஆரா சினிமாஸ் வெளியிட்டது.

‘தேவி’ படத்தில் பிரபுதேவா ஹீரோவாக நடித்தார். அவருக்கு ஜோடியாக தமன்னா நடித்தார். படத்தில் நடிகை தமன்னா இரு வேடங்களில் நடித்தார். மேலும் படத்தில் சோனு சூட், ஆர்.ஜே. பாலாஜி, சதீஷ், நாசர் உட்பட பலர் நடித்திருந்தனர்.

தற்போது இந்தப் படத்தின் இரண்டாம் பாகம், தயாராகி வருகிறது. இந்தப் படத்தில் நடிக்க, தமன்னா, நித்யா மேனன், எமி ஜாக்சன் என 3 ஹீரோயின்கள் நடிக்கின்றனர். முக்கியக் கதாபாத்திரத்தில் கோவை சரளா நடிக்கிறார்.