கார்த்திக் சுப்புராஜுடன் இணையும் பிரபுதேவா!

இயக்குனர் கார்த்திக் சுப்புராஜுவுடன் இணையவுள்ளார் நடிகர் பிரபுதேவா.

நடிகர் பிரபுதேவா, இயக்குனர் கார்த்திக் சுப்புராஜ் இயக்கத்தில் புதிய படமொன்றில் நடிக்க ஒப்பந்தமாகியுள்ளார். முன்னதாக தனுஷ் நடிக்க உள்ள படத்தை கார்த்திக் சுப்புராஜ் ஒப்பந்தம் செய்தார். இதன் படப்பிடிப்பு அக்டோபரில் தொடங்கும் என தனுஷ் தெரிவித்தார்.

இந்நிலையில் தனுஷை இயக்குவதற்கு முன்பு புதிய படம் ஒன்றை இயக்க கார்த்திக் சுப்புராஜ் திட்டமிட்டார். இதற்காக தீவிரமாக கதை எழுதிய கார்த்திக் சுப்புராஜ், பிரபுதேவாவிடம் அக்கதையை கூறியுள்ளார். கதை பிடித்து போக பிரபுதேவா கால்ஷீட் கொடுத்துள்ளார்.

பிரபுதேவாவுக்கு ஜோடியாக நடிக்க சம்யுக்தா ஹெக்டேவிடம் பேச்சுவார்த்தை நடத்தி வருகின்றனர். விரைவில் படப்பிடிப்பு தொடங்கப்பட்டு, ஒரே கட்டமாக மொத்த படப்பிடிப்பையும் முடிக்க திட்டமிட்டுள்ளது படக்குழு.