Love Today: இதை உருவாக்குனதே அவர்தான்.. நன்றி சொல்ல மறந்துட்டேன்: 'லவ் டுடே' பட இயக்குனர்.!

கடந்த 2019 ஆம் ஆண்டு ஜெயம் ரவி நடிப்பில் வெளியான கோமாளி படத்தின் மூலம் கோலிவுட்டில் இயக்குனராக அறிமுகமானார் பிரதீப் ரங்கநாதன். இந்தப்படம் பாக்ஸ் ஆபிசில் மிகப்பெரிய வசூல் சாதனை படைத்தது. இந்நிலையில் பிரதீப் ரங்கநாதன் தனது இரண்டாவது படைப்பாக இயக்கி நடித்துள்ள 'லவ் டுடே' படம் அண்மையில் வெளியானது.

'கோமாளி' படத்தில் பல ஆண்டுகளாக கோமா நிலையில் இருந்த ஒருவர் அதிலிருந்து மீண்ட பின்னர் என்னென்ன பிரச்சனையெல்லாம் எதிர்கொள்கிறார் என்பதை காமெடி கலந்து சொல்லப்பட்டு இருந்தது. புதுவிதமான கதையம்சத்தை கொண்டு எடுக்கப்பட்ட இப்படம் பிளாக்பஸ்டர் ஹிட் ஆனது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

'கோமாளி' படத்தின் வெற்றியை தொடர்ந்து இரண்டாவது படமாக 'லவ் டுடே' படத்தை இயக்கியுள்ளார். இப்படத்தின் மூலம் அவர் நடிகராகவும் அவதாரம் எடுத்துள்ளார். ரொமாண்டிக் காமெடி படமான இதில் பிரதீப்புக்கு ஜோடியாக இவானா நடித்துள்ளார். மேலும் ராதிகா, சத்யராஜ், யோகிபாபு, ரவீனா என மிகப்பெரிய நட்சத்திர பட்டாளமே இந்தப்படத்தில் நடித்துள்ளனர்.

Vishnu Vishal: என் நிர்வாண போட்டோக்களை லீக் பண்ணிட்டாங்க: விஷ்ணு விஷால் பகீர் தகவல்.!

ஏஜிஎஸ் நிறுவனம் சார்பில் அர்ச்சனா கல்பாத்தி தயாரித்திருந்த இப்படத்தை தமிழகத்தில் ரெட் ஜெயண்ட் மூவீஸ் நிறுவனம் ரிலீஸ் செய்தது. அண்மையில் இந்தப்படம் தெலுங்கிலும் டப் செய்து வெளியிடப்பட்டு அங்கும் ரசிகர்கள் மத்தியில் அமோக வரவேற்பை பெற்று வருகிறது. இந்நிலையில் இயக்குனர் பிரதீப் ரங்கநாதன் தனது ட்விட்டர் பக்கத்தில் பதிவு ஒன்றை பகிர்ந்துள்ளார்.

Thunivu: 'துணிவு' கெட்டப்பில் இருந்து நியூ லுக்கிற்கு மாறிய அஜித்: தீயாய் பரவும் புகைப்படம்.!

அதில், "லவ் டுடே என்ற தலைப்பை உருவாக்கிய முதல் நபருக்கு நன்றி சொல்ல மறந்துவிட்டேன். காலத்தால் அழியாத தலைப்பை உருவாக்கியுள்ளீர்கள். தலைப்பிற்கு நன்றி சார்" எனக் குறிப்பிட்டுள்ளார். கடந்த 1997ஆம் ஆண்டு பாலசேகரன் இயக்கத்தில் விஜய் நடிப்பில் வெளியான 'லவ் டுடே' படத்தின் டைட்டிலை தான் பிரதீப் ரங்கநாதன் தனது படத்திற்கு பயன்படுத்தியுள்ளது குறிப்பிடத்தக்கது.