மஞ்சு மனோஜுடன் நடிக்கும் ப்ரக்யா

நடிகர் மஞ்சு மனோஜ் நடிக்கும் படத்தில் நடிகை ப்ரக்யா நடிக்கவுள்ளார்.

இயக்குனர் க்ரிஷ் இயக்கத்தில் தேசிய விருது வென்ற கஞ்சே படத்தில் நாயகியாக நடித்து ரசிகர்களைக் கவர்ந்த பிரக்யா ஜெய்ஷ்வால் நடிகர் மஞ்சு மனோஜ் நடிக்கவிருக்கும் படத்தில் நாயகியாக நடிக்க ஒப்பந்தமாகியுள்ளார். ப்ரக்யா நடித்த முதல் தெலுங்கு படமான 'கஞ்சே' இரண்டாம் உலகப் போரை மையப்படுத்தி மாறுபட்ட கதைக் களத்தில் அமைந்தது.

அப்படத்தின் வெற்றிக்கு பின்னர் டோலிவுட்டின் முன்னணி நடிகர் நாகர்ஜூனா நடிக்கும் பக்தி படத்தில் நடிக்க ப்ரக்யா ஒப்பந்தமானார். இயக்குனர் ராகவேந்திர ராவ் இயக்கும் ‘ஓம் நமோ வெங்கடேஷ்வராய’ எனும் பக்தி படத்தில் ப்ரக்யா முக்கிய வேடத்தில் நடிக்கவுள்ளார்.

இப்படத்தைத் தொடர்ந்து இயக்குனர் சத்யா இயக்கத்தில் ஆக்ஷன் நாயகன் மஞ்சு மனோஜ் நடிக்கும் படத்தில் அவருடன் இணைந்து நடிக்கும் வாய்ப்பு ப்ரக்யாவிற்கு கிடைத்துள்ளது. விரைவில் துவங்கவிருக்கும் இப்படத்தின் படப்பிடிப்புகளில் ப்ரக்யா கலந்து கொள்வார் என அறிவிக்கபட்டுள்ளது.