‘ப்ரேமம்’ தெலுங்கில் ஆகஸ்ட் 12ல் வெளியீடு!

தெலுங்கில் ரீமேக் செய்த ‘ப்ரேமம்’ படம் ஆகஸ்ட் 12ல் வெளியாகவுள்ளதாக படக்குழுவினர் கூறியுள்ளனர்.

கடந்த ஆண்டு இளையதளபதி விஜய்யுடன் ‘புலி மற்றும் தல அஜித்துடன் ‘வேதாளம்‘ ஆகிய படங்களில் நடித்த ஸ்ருதிஹாசன் தற்போது சூர்யாவுடன் ‘எஸ்3’, கமல்ஹாசனுடன் ‘சபாஷ் நாயுடு’, பிரேமம் தெலுங்கு ரீமேக் போன்ற படங்களில் நடித்து வருகிறார். இந்நிலையில் இந்த வருடம் ஸ்ருதிஹாசனின் முதல் படமாக பிரேமம் தெலுங்கு ரீமேக் ரிலீஸ் ஆகவுள்ளது. இந்த படம் வரும் ஆகஸ்ட் 12ஆம் தேதி ரிலீஸ் செய்ய திட்டமிட்டுள்ளதாக படக்குழுவினர் இன்று தெரிவித்துள்ளனர்.

மலையாளத்தில் நிவின்பாலி நடித்த கேரக்டரில் நாக சைதன்யா நடித்துள்ள இந்த படத்தில் ஸ்ருதிஹாசன், அனுபமா பரமேஸ்வரன், மடோனா செபாஸ்டியன் மற்றும் பலர் நடித்து வருகின்றனர். சந்தூ மொண்டேட்டியின் இயக்கத்தில் உருவாகி வரும் இந்த படத்திற்கு கோபிசுந்தர்-முருகேசன் இசையமைத்துள்ளனர்.