Corona Virus ஏங்க, கொரோனா பற்றி பிரேம்ஜி சொல்வது உண்மையா இருக்குமோ?

திரும்பும் பக்கம் எல்லாம் கொரோனா வைரஸ் பற்றி தான் பேச்சாக உள்ளது. மக்கள் அதிகம் கூடும் இடங்களை தவிர்க்க வேண்டும் என்று அரசு வலியுறுத்தியுள்ளது. இதனால் தற்போது மக்கள் சமூக வலைதளங்களில் கூடி கொரோனா பற்றி விவாதித்துக் கொண்டிருக்கிறார்கள். சிலர் இல்லை இல்லை பலர் வதந்திகளை பரப்புகிறார்கள். இந்நிலையில் தான் நடிகரும், இசையமைப்பாளருமான பிரேம்ஜி அமரனுக்கு அந்த அற்புதமான யோசனை தோன்றியுள்ளது.

பூமிக்கு மனிதர்களாகிய நாம் தான் வைரஸாக இருந்து, கொரோனா தான் மருந்தாக இருந்தால் என்று கேள்வி எழுப்பி ட்வீட் செய்துள்ளார் பிரேம்ஜி அமரன். இதை பார்த்த அவரின் அண்ணன் வெங்கட் பிரபு, நீ ரொம்ப குடித்துவிட்டாய் என்று நினைக்கிறேன் என கமெண்ட் போட்டுள்ளார். அய்யோ வெங்கி, தம்பியை இப்படி பப்ளிக்கா போட்டுக் கொடுக்கலாமா என்று ரசிகர்கள் கேள்வி எழுப்பியுள்ளனர்.

பிரேம்ஜி இரவு நேரத்தில் எந்த ட்வீட் போட்டாலும் என்ன தண்ணியா என்று தான் ரசிகர்கள் கேட்பார்கள். இந்நிலையில் வெங்கட் பிரபுவே அதை கூற, நெட்டிசன் ஒருவரோ பிரேம்ஜியை தாக்கியது இந்த வைரஸ் தான் என்று கொரோனா, வைரஸ் பெயர்களை கொண்ட மதுபான பாட்டில்களின் புகைப்படத்தை வெளியிட்டுள்ளார்.

பிரேம்ஜியின் ட்வீட்டை பார்த்த நெட்டிசன்கள், இந்த ரகசியம் நமக்குள்ளேயே இருக்கட்டும், வெளியே யாருக்கும் தெரிய வேண்டாம், யாருய்யா உன்னை இப்படி பேச சொல்லுறது, மூக்கு பொடப்பா இருந்தா இப்படித் தான் யோசிக்கத் தோனும், கேள்வியே சும்மா அதிருதுயா, ரஜினி சொன்ன சுனாமி நீங்கள் தான், அது கரோனா இல்லை கொரோனா முருகேசா என்று கலாய்த்துள்ளனர்.