ஆடை பட சர்ச்சை அமலா பாலுக்கு ஆப்பு: விஜய் சேதுபதிக்கு ஜோடியாகும் மேகா ஆகாஷ்!

பேராண்மை, புறம்போக்கு ஆகிய படங்களை இயக்கிய எஸ்பி ஜனநாதனிடம் உதவி இயக்குனராக பணியாற்றியவர் வெங்கட கிருஷ்ண ரோகாந்த். இவர், இயக்குனராக அவதாரம் எடுத்துள்ள படம் விஜய் சேதுபதியின் 33ஆவது படம். இன்னும் பெயரிடப்படாத இப்படத்தில் விஜய் சேதுபதிக்கு ஜோடியாக அமலா பால் நடிக்கிறார் என்று கூறப்பட்டது. சந்திரா ஆர்ட்ஸ் சார்பாக மிகுந்த பொருட் செலவில் பிரமாண்டமாக இசக்கி துரை தயாரிக்கிறார்.

புத்தாண்டு, கிறிஸ்துமஸ், காதல், இசை ஆகிய கொண்டாட்டங்களை மையபடுத்திய கதையாகவும், சமூக பிரச்சனையை வலியுறுத்தும் படமாக இருக்கும் என்று கூறப்படுகிறது. இப்படத்தில், விஜய் சேதுபதி இசை கலைஞராக நடிக்கிறார் என்றும் கூறப்படுகிறது. இவருக்கு வில்லனாக போலீஸ் கதாபாத்திரத்தில் மகிழ் திருமேனி நடிக்கிறார் என்பது குறிப்பிடத்தக்கது.

Also Read: மேகா ஆகாஷின் அழகான புகைப்படங்கள்!


இந்த நிலையில், ஆடை படத்தின் டீசர் சமூக வலைதளங்களில் பெரும் சர்ச்சையை ஏற்படுத்திய நிலையில், விஜய் சேதுபதியின் 33ஆவது படத்தில் அமலா பாலிற்கு பதிலாக வந்தா ராஜாவாத்தான் வருவேன் படத்தின் புகழ் மேகா ஆகாஷ் நடிப்பதாக தகவல் வெளியாகியுள்ளது. மேலும், ஊட்டியில் நடக்க இருக்கும் படப்பிடிப்பில் மேகா ஆகாஷ் கலந்து கொள்ள இருப்பதாகவும் தகவல் தெரிவிக்கின்றது. இதற்கிடையில், அமலா பால் நடிப்பில் வந்த ஆடை படத்தின் டீசருக்கு வடிவேலு வெர்ஷன் வெளியிட்ட இயக்குனர் ரத்ன குமார், அமலா பாலிடம் மன்னிப்பு கேட்டுள்ளார். இப்படத்தின் டீசரில் தான் அமலா பால் ஆடை ஏதும் அணியால் நடித்து பெரும் சர்ச்சையை ஏற்படுத்தியுள்ளார். இப்படத்திற்கு ஏற்கனவே ஏ சான்றிதழ் கிடைத்துள்ளது.

இதற்கிடையில், இயக்குனர் மணிரத்னம் இயக்கும் பொன்னியின் செல்வன் படத்தில் அமலா பால் நடிப்பதற்கு அவரிடம் பேச்சுவார்த்தை நடந்து வருவதாகவும் கூறப்படுகிறது என்பது குறிப்பிடத்தக்கது.