ப்ரியா கொஞ்சம் சிம்ரன், கொஞ்சம் த்ரிஷா மாதிரி இருக்காராம்: சொன்னது சூர்யா

மான்ஸ்டர் படத்தை அடுத்து எஸ்.ஜே. சூர்யா, ப்ரியா பவானி சங்கர் ஜோடி சேர்ந்துள்ள படம் பொம்மை. படத்தின் ஃபர்ஸ்ட் லுக் போஸ்டரில் சூர்யா ஒரு பொம்மையுடன் சேர்ந்து நின்றார். அதை பார்த்தவர்களோ 90ஸ் கிட்ஸுகளுக்காகவே இந்த போஸ்டர் வெளியிடப்பட்டது போன்று உள்ளது. 90ஸ் கிட்ஸுகளுக்கு பெண் கிடைக்காமல் இப்படித் தான் பொம்மையுடன் நிற்க வேண்டி வரும் என்று கலாய்த்தார்கள்.

பொம்மை படத்தின் மற்றொரு போஸ்டரில் சூர்யா, ப்ரியா பவானி சங்கர் ஜோடியாக இருந்தார்கள். அதை பார்த்த சூர்யாவோ, ப்ரியாவை பார்த்தால் கொஞ்சம் சிம்ரன், கொஞ்சம் த்ரிஷா போன்று தெரிகிறது அல்லவா என்று ட்வீட் செய்தார். அதை பார்த்த ப்ரியா ரசிகர்களோ, ஆமாம் சூர்யா, சரியாகச் சொன்னீர்கள். பார்க்க மட்டும் அல்ல நடிப்பிலும் அவர்களை போன்று தான் என்று தெரிவித்துள்ளனர்.

பொம்மை படம் பற்றியும், ப்ரியாவின் அழகு பற்றியும் ட்வீட் செய்த எஸ்.ஜே. சூர்யாவிடம் நெஞ்சம் மறப்பதில்லை பற்றி அப்டேட் கொடுக்குமாறு ரசிகர்கள் கேட்டுக் கொண்டுள்ளனர். செல்வராகவன் இயக்கிய நெஞ்சம் மறப்பதில்லை படம் எப்பொழுது தான் ரிலீஸாகும் என்று ரசிகர்கள் அடிக்கடி கேள்வி எழுப்புகிறார்கள். ஆனால் பதில் தான் கிடைத்தபாடில்லை.

எந்த விதத்தில் ப்ரியா சிம்ரன் மாதிரி தெரிகிறார் என்று சிம்ஸ் ரசிகர்களும், என்னாது த்ரிஷா மாதிரியா, இந்த வாரோம் என்று அவரின் ரசிகர்களும் தெரிவித்துள்ளனர். அண்ணா ரொம்ப ஐஸ் வைக்கிறார், ஜாக்கிரதையாக இருங்க ப்ரியா என்று அவரின் ரசிகர்களும் கூறியுள்ளனர். அது என்ன சூர்யா நேரம் கிடைக்கும்போது எல்லாம் ப்ரியாவை பாராட்டுகிறார், சரியில்லையே என்று சில குசும்புக்கார நெட்டிசன்ஸ் கமெண்ட் அடித்துள்ளனர்.