கீர்த்தி எலும்பும் தோலுமா ஆனதெல்லாம் இப்படி வீணாப் போச்சே

தமிழ், தெலுங்கு, மலையாள படங்களில் கவனம் செலுத்தி வந்த கீர்த்தி சுரேஷுக்கு போனி கபூர் தயாரிப்பில் அஜய் தேவ்கன் நடித்து வரும் மைதான் இந்தி படத்தில் நடிக்கும் வாய்ப்பு கிடைத்தது. பாலிவுட் படத்தில் நடிக்க ஒப்பந்தம் ஆன கையோடு கீர்த்தி சுரேஷ் தன் உடல் எடையை வெகுவாக குறைத்து எலும்பும் தோலுமானார். இந்நிலையில் பாலிவுட்டில் அறிமுகமாக இருந்த படத்தில் கீர்த்தி நடிக்கவில்லையாம்.

மைதான் படத்தில் கீர்த்தி அஜய் தேவ்கனுக்கு மனைவியாக நடிக்க வேண்டுமாம். அவர் பூசினாற் போன்று இருந்ததால் அந்த கதாபாத்திரத்திற்கு சரியாக இருப்பார் என்று நினைத்துள்ளனர். ஆனால் கீர்த்தி வெயிட்டை குறைத்து ஒல்லிக் குச்சியானார். இதையடுத்து அவர் படப்பிடிப்பில் ஒரு நாள் கலந்து கொண்டார். ஆனால் அவருக்கு அந்த கதாபாத்திரம் பிடிக்கவில்லையாம்.

எடுத்த எடுப்பில் ரொம்ப சீனியர் ஹீரோவுக்கு மனைவியாக நடித்தால் தொடர்ந்து இது போன்ற கதாபாத்திரங்கள் மட்டுமே தன்னை தேடி வரும் என்று கீர்த்திக்கு கவலை ஏற்பட்டுவிட்டதாம். இதையடுத்தே அவர் மைதான் படத்தில் இருந்து விலகியதாக கூறப்படுகிறது. கீர்த்திக்கு பதில் அந்த கதாபாத்திரத்தில் ப்ரியாமணி நடிக்க உள்ளாராம்.

மைதான் படத்தை வரும் நவம்பர் மாதம் 27ம் தேதி ரிலீஸ் செய்ய திட்டமிட்டுள்ளனர். கீர்த்தி ஒல்லிக்குச்சியானதை பார்த்து ரசிகர்கள் பரிதாபப்பட்டார்கள். உங்களுக்கு அழகே வெயிட்டாக இருப்பது தான். தயவு செய்து பழையபடி பூசினாற் போன்று மாறுங்கள் என்றார்கள் ரசிகர்கள். அவர்களின் ஆசையை கீர்த்தி நிறைவேற்றி வைப்பாரா என்பதை பொறுத்திருந்து பார்ப்போம்.