பிரியங்கா சோப்ராவின் புதிய ஹாலிவுட் படம் ‘கவ்பாய் நிஞ்ச விகிங்’!

நடிகை பிரியங்கா சோப்ரா, அடுத்ததாக ஹாலிவுட்டில் ‘கவ்பாய் நிஞ்ச விகிங்’ என்ற புதிய படத்தில் நடிக்க ஒப்பந்தமாகியுள்ளார்.

பாலிவுட்டின் முன்னணி நடிகையாக வலம் வந்தவர் நடிகை பிரியங்கா சோப்ரா. தற்போது இவர் ஹாலிவுட்டிலும் முத்திரை பதித்து வருகிறார். சில ஆண்டுகளுக்கு முன்பு பிரியங்கா சோப்ரா சீரியலில் ஒன்றில் நடிக்க ஹாலிவுட் சென்றார். சீரியல் மூலம் பிரபலமானார். அதையடுத்து ஹாலிவுட் படங்களில் நடிக்க ஆரம்பித்தார்.

இந்நிலையில் நடிகை பிரியங்கா சோப்ரா, ஹாலிவுட் பாடகரும் நடிகருமான நிக் ஜோனஸுடன் நெருங்கி பழகி வருகிறார். இவர்களின் திருமணம் விரைவில் நடைபெறவுள்ளது.

இதற்கிடையில் ‘கேம்ஸ் ஆஃப் த்ரோன்ஸ்’ படத்தை இயக்கிய மைக்கேல் மெக்லேரன் இயக்கும் ‘கவ்பாய் நிஞ்ச விகிங்’ படத்தில் ஹீரோயினாக பிரியங்கா நடிக்க ஒப்பந்தமாகியுள்ளார். இந்தப் படத்தில் கிரிஸ் பிராட் ஹீரோவாக நடிக்கிறார். இந்தப் படத்தை அடுத்த ஆண்டு ஜூன் 28ம் தேதி ரிலீஸ் செய்ய பட நிறுவனம் முடிவு செய்துள்ளது.