வடைலாம் சுடல தம்பி.. 'பீஸ்ட்' நெஜமாவே ஹிட்டு: பரபரப்பை கிளப்பிய பிரபல தயாரிப்பாளர்.!

'மாஸ்டர்' படத்தின் வெற்றியை தொடர்ந்து தற்போது பீஸ்ட்' படத்தில் நடித்தார் விஜய். கோலிவுட் வட்டாராமே எதிர்பார்த்து கொண்டிருந்த 'பீஸ்ட்' படம் கடந்த புதன்கிழமை வெளியானது. படத்தை பார்த்த ரசிகர்கள் பலவிதமான கமெண்ட்களை சோசியல் மீடியாவில் தொடர்ந்து வருகின்றனர்.

சன் பிக்சர்ஸ் தயாரித்துள்ள 'பீஸ்ட்' படத்தில் விஜய்க்கு ஜோடியாக பூஜா ஹெக்டே நடித்துள்ளார். கோலமாவு கோகிலா, டாக்டர் படங்களை தொடர்ந்து விஜய் நடிப்பில் 'பீஸ்ட்' படத்தை இயக்கியுள்ளார் நெல்சன் திலீப்குமார்.இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்துள்ளனர்.

இந்நிலையில் 'பீஸ்ட்' படத்தின் வெளியீட்டை கட்அவுட், பாலாபிஷேகம் என திருவிழா போல் கொண்டாடினர்கள் ரசிகர்கள். படத்தை பார்த்த ரசிகர்கள் இணையத்தில் பலவிதமான கமெண்ட்களை பதிவிட்டு வருகின்றனர். வித்தியாசமான விஜய்யை இந்தப்படத்தில் பார்க்கலாம் என்றும், காமெடியில் கலந்து கட்டி அடிக்கும் நெல்சன், தற்போது ஆக்ஷனில் பின்னி பிடலெடுத்துள்ளதாக படத்தை கொண்டாடி வருகின்றனர் ரசிகர்கள்.

அஜித்துக்கும் இதே மாதிரி பண்ணிவிடுங்க விக்கி: உச்சக்கட்ட எதிர்பார்ப்பில் ரசிகர்கள்..!
'பீஸ்ட்' படத்தை விஜய் ரசிகர்கள் கொண்டாடி வந்தாலும் பலவிதமான நெகட்டிவ் விமர்சனங்களும் குவிந்து வருகிறது. நெல்சன் திரைக்கதை அமைப்பில் சொதப்பி விட்டதாகவும் விமர்சனம் எழுந்துள்ளது. இந்நிலையில் நேற்றைய தினம் வெளியான 'கேஜிஎஃப் 2' படத்தால் 'பீஸ்ட்' படத்தின் வசூல் பாதிக்கப்பட்டுள்ளதாகவும், நெறைய திரையரங்களில் படத்தை தூக்கி விட்டதாகவும் இணையத்தில் தீயாக செய்திகள் பரவியது.


இந்நிலையில் பிரபல தயாரிப்பாளர் மற்றும் விநியோகாஸ்தருமான தனஞ்செயன் 'பீஸ்ட்' படத்திற்கு அமோக வரவேற்பு கிடைத்துள்ளதாகவும், இதுவரை வெளியான படங்களின் முதல்நாள் வசூல் சாதனைகளை எல்லாம் 'பீஸ்ட்' படம் முறியடித்துவிட்டதாகவும் தனது ட்விட்டர் பக்கத்தில் பதிவிட்டுள்ளார். மேலும் பின் குறிப்பு என வடையெல்லாம் சுடலை தம்பிகளா. நிஜம் என குறிப்பிட்டுள்ளார். அவாரின் இந்த ட்வீட் இணையத்தில் வைரலாகி வருகிறது.