விஜய் சேதுபதிக்கு தங்க செயின் பரிசு!!!

விஜய் சேதுபதியின் தர்மதுரை படத்தின் வெற்றியைத் தொடர்ந்து காக்கா முட்டை இயக்குனர் எம்.மணிகண்டன் இயக்கத்தில் ஆண்டவன் கட்டளை படம் நேற்று வெளிவந்து வெற்றிகரமாக ஓடிக்கொண்டிருக்கிறது. இப்படத்தில் இறுதிச்சுற்று படத்தின் நாயகி ரித்திகா சிங் ஹீரோயினாக நடித்துள்ளார்.

கோபுரம் பிலிம்ஸ் நிறுவனம் சார்பில் அன்புச்செழியன் இப்படத்தை தயாரிக்க ஸ்ரீகிரீன் நிறுவனம் படத்தை வெளியிட்டுள்ளது. இந்நிலையில், இப்படம் வெளிவருவதற்கு முன்பே தயாரிப்பாளர் மற்றும் படக்குழுவினர் படத்தை பார்த்துள்ளனர்.

அப்போது படத்தில் விஜய் சேதுபதியின் நடிப்பை பார்த்து வியந்த தயாரிப்பாளர் அன்புச்செழியன் படத்தின் நாயகன் விஜய் சேதுபதிக்கு தங்க செயின் ஒன்றை பரிசாக வழங்கியுள்ளார். படத்தை இயக்கிய மணிகண்டனுக்கும் தங்க செயின் ஒன்றை பரிசாக வழங்கியுள்ளார் என்பது குறிப்பிடத்தக்கது.