Asuran Title Card: எனக்கு சூப்பர் ஸ்டார் பட்டம் எல்லாம் வேணாம்: இது மட்டும் போதும்: தனுஷ்!

தனுஷ் தற்போது வெற்றி மாறன் இயக்கத்தில் ‘அசுரன் என்ற படத்தில் நடித்து வருகிறார். இதைத்தொடர்ந்து துரை செந்தில்குமார் இயக்கத்தில் ‘பட்டாஸ்’ என்ற படத்திலும்நடித்து வருகிறார் என்று செய்திகள் வெளியாகியுள்ளன. இப்படத்தின் பர்ஸ்ட் லுக் போஸ்டர் தனுஷின் பிறந்தநாளான ஜூலை 28 ஆம் தேதி வெளியாகி ரசிகர்களிடம் நல்ல வரவேற்பை பெற்றுள்ளது.

ஜூலை 28 ஆம் தேதி தனுஷ் ரசிகர்கள் ரத்த தானம் முகாமும் நடத்தினார்கள். இந்த நிகழ்ச்சியில் சிறப்பு விருந்தினராக பங்கேற்ற தயாரிப்பாளர் கலைப்புலி எஸ்.தாணு, தனுஷுக்கு ‘இளைய சூப்பர் ஸ்டார் என்ற பட்டத்தை வழங்கினார். தனுஷ் ரசிகர்கள் இதனை கைதட்டி உற்சாகத்துடன்வரவேற்றனர்.

Also Read:Dhanush: பன்முக கலைஞனாக தமிழ் சினிமாவை அசத்தும் தனுஷ்


கலைப்புலி தாணுவை தொடர்ந்து பேசிய தனுஷ், “தாணு என் மீது கொண்ட அன்பினால் இந்தபட்டத்தை கொடுத்திருக்கிறார். எனக்கு இந்த பட்டம் எல்லாம் வேண்டாம். தனுஷ் என்ற பெயர் மட்டுமே போதும். பிறகு என் ரசிகர்களுக்கு அன்பான வேண்டுகோள். யார் நம் மீது பகை காட்டினாலும் பொறுமையாக செல்லுங்கள். பதிலுக்கு பகையை காட்டாதீர்கள். விரைவில் அனைத்து ரசிகர்களையும் சந்திக்கிறேன்.” என்று கூறினார்.

Also Read: Pattas First Look: அட, தனுஷின் பட்டாஸ் போஸ்டரில் இத்தனை விஷயம் இருக்கா?


Also Read: Pattasu: வெளியானது தனுஷ் படத்தின் டைட்டில்: நாளைக்கு பிறந்தநாள் டிரீட்!

இதற்கு முன் நடிகர் ரஜினிகாந்திற்கு சூப்பர் ஸ்டார் என்ற பட்டத்தை வழங்கியதும் தயாரிப்பாளர் தாணு தான் என்பதை யாரும் மறந்திருக்க முடியாது. இதற்கிடையில், ரஜினியின் சூப்பர் ஸ்டார் டைட்டில் கார்டில் வரும் தீம் மியூசிக்கைப் போன்று தனுஷுக்கு கொடுக்கப்பட்ட இளைய சூப்பர் ஸ்டாரிலும் தீம் மியூசிக் கொடுக்கப்பட்டுள்ளது. ரஜினியைத் தொடர்ந்து சிம்புவிற்கு லிட்டில் சூப்பர் ஸ்டார் பட்டம் இருக்கிறது என்பது இங்கு ஞாபகத்தில் கொள்ளவேண்டிய ஒன்று.