மாஸ்டர் தமிழ்நாட்டில் மட்டும் இத்தனை கோடி வசூலிக்கும்: பிரபல தயாரிப்பாளர் கணிப்பு

மாஸ்டர் படத்தின் பிரம்மாண்ட இசை வெளியீட்டு விழா நேற்று நடந்து முடிந்தது. அதில் விஜய் மற்றும் விஜய் சேதுபதி ஆகியோர் பேசியது பற்றித்தான் தற்போது சமூக வலைத்தளங்களில் அனைவரும் பேசிக்கொண்டிருக்கின்றனர்.

மேலும் அடுத்த மாதம் 9ம் தேதி படம் திரைக்கு வரும் என அறிவிக்கப்பட்டுள்ள நிலையில் அது கொரோனா வைரஸ் காரணமாக தள்ளிப்போக வாய்ப்பு இருக்கிறது எனவும் கூறப்பட்டு வருகிறது.

இது எல்லாம் ஒருபுறமிருக்க பிரபல தயாரிப்பாளர் கேயார் அளித்துள்ள பேட்டியில் மாஸ்டர் படம் எவ்வளவு வசூலிக்கும் என்பது பற்றி பேசியுள்ளார்.

தற்போது தமிழ் சினிமாவில் விஜய் தான் நம்பர் 1 என கூறியுள்ள அவர், மாஸ்டர் படம் தமிழ்நாட்டில் மட்டும் விநியோகஸ்தர் ஷேர் 90 கோடி ருபாய் வரும் என கூறியுள்ளார். இது பாகுபலி 2வை விட அதிகம் என்பது குறிப்பிடத்தக்கது.

மேலும் பேசிய அவர் விஜய் படங்களுக்கு மற்ற தென்னிந்திய மாநிலங்களிலும் நல்ல மார்க்கெட் இருக்கிறது என கூறியுள்ளார். அது மட்டுமின்றி ஹிந்தி டப்பிங் உரிமை அதிக விலைக்கு போகும் என்றும், மாஸ்டர் சாட்டிலைட் உரிமை மட்டும் 28-30 கோடி ரூபாய்க்கு விலை போகும் எனவும் கூறியுள்ளார்.

சூர்யா நடித்த சூரரை போற்று படம் விஜய்யின் மாஸ்டர் படத்துடன் மோத வாய்ப்பு இல்லை என குறிப்பிட்ட அவர், ஒருவேளை இரண்டு படங்களும் ஒரே நாளில் ரிலீஸ் ஆனால் விஜய்க்கு தான் அதிக தியேட்டர் கிடைக்கும் என குறிப்பிட்டார் அவர்.