ராஜ் டிவி இயக்குனர் மகளை மணக்கும் தயாரிப்பாளர் அபினேஷ் இளங்கோவன்!

தயாரிப்பாளர் அபினேஷ் இளங்கோவன், ராஜ் டிவி இயக்குனர் மகளை திருமணம் செய்யவுள்ளார்.

விஜய் சேதுபதி நடித்த ‘சூதுகவ்வும்’, ‘பீட்சா’, ‘பீட்சா 2’, ‘இறைவி’, ‘காதலும் கடந்து போகும்’ உள்பட பல படங்களை வாங்கி வெளியிட்டவர் அபினேஷ் இளங்கோவன். இவர் அபி அபி அண்ட் பிக்சர்ஸ் என்ற தயாரிப்பு நிறுவனத்தை நடத்தி வருகிறார். இந்த நிறுவனம் மூலம் தற்போது ‘சதுரங்க வேட்டை 2’ படத்தை தயாரித்து வருகிறார்.

தயாரிப்பாளர் அபினேஷ் இளங்கோவன் ராஜ் டி.வியின் இயக்குனர்களில் ஒருவரான எம்.ரவீந்திரன், ஆர் விஜயலட்சுமி தம்பதிகளின் மகள் நந்தினி ரவீந்திரனை திருமணம் செய்யவுள்ளார். மணமகள் நந்தினி எம்.எஸ்.சி பட்டதாரி. சமீபத்தில் இவர்களது நிச்சயதார்த்தம் சென்னையில் நடந்தது. திருமணம் வருகிற 27ந் தேதி வெள்ளிக்கிழமை நடக்கவுள்ளது. திருவான்மியூரில் நடக்கும் இந்த திருமண விழாவில் சின்னத்திரை, பெரிய திரை நட்சத்திரங்கள் மற்றும் பிரமுகர்கள் கலந்து கொள்ள இருக்கின்றனர்.