'சென்னை 28'-2: அஸ்வின், முரளி விஜய்?

சென்னை: 'சென்னை 28' படத்தின் இரண்டாம் பாகத்தில் இந்திய கிரிக்கெட் விளயாட்டு வீரர்கள் அஸ்வின் மற்றும் முரளி விஜய் நடிக்க வாய்ப்பிருப்பதாக தகவல்கள் வெளியாகியுள்ளன.

இயக்குனர் வெங்கட் பிரபு இயக்கத்தில் கடந்த 2007 ஆம் ஆண்டு வெளியாகி இளசுகள் மத்தியில் மிகப் பெரிய ஹிட் கொடுத்த 'சென்னை 600028' படத்தின் இரண்டாம் பாக வேலைகள் சமீபத்தில் துவங்கின.

இப்படத்தின் முதல் பாகத்தில் நடித்த ஜெய், சிவா, பிரேம்ஜி அமரன், அரவிந்த் ஆகாஷ், அனைவரையும் இந்த பாகத்திலும் இயக்குனர் ஒப்பந்தம் செய்திருக்கிறார். சென்னையில் இப்படத்தின் படப்பிடிப்பு நடைபெற்று வருகிறது.

இந்நிலையில் கிரிக்கெட் சார்ந்த படம் என்பதால் இதில் கிரிக்கெட் வீரர்கள் அஸ்வின் மற்றும் முரளி விஜய் சிறப்பு தோற்றத்தில் நடிக்க வாய்ப்புள்ளதாகவும், இயக்குனர் இது குறித்து பேச்சுவார்த்தை நடத்தி வருவதாகவும் படக்குழுவிற்கு நெருங்கிய வட்டாரம் தகவல் தெரிவித்துள்ளது.

மேலும், தற்போது ஐபிஎல் போட்டிகள் நடைபெற்று வருவதால் இருவரும் பிசியாக உள்ளதாகவும், ஐபிஎல் போட்டிகள் முடிந்த பிறகு முரளி விஜய் மற்றும் அஸ்வின் இப்படத்தில் நடிப்பார்களா என்பது அறிவிக்கப்படும் என எதிர்ப்பார்க்கப்படுகிறது.