ஜெயா டிவியில் இணைகிறது ராடன் டிவி!

நடிகை ராதிகா ராடன் டிவி மூலம் தயாரித்து வழங்கும் தொடர் நிகழ்ச்சிகளை ஜெயா டிவியில் ஒளிபரப்பாகவுள்ளது.
ஜெயா டிவியில் ஒளிபரப்பான ஜாக்பாட் நிகழ்ச்சியை நடத்தி பிரபலமான குஷ்பு அதன்பிறகு அதே சேனலில் ஒளிபரப்பான பல தொடர்களில் நடித்தார். அதையடுத்து ஜீ தமிழ், வேந்தர் போன்ற சேனல்களில் பங்கேற்று வருகிறார். இந்த நிலையில், தற்போது முதன்முறையாக அவர் சன் டிவிக்குள் ஒரு சரித்திர தொடர் தயாரித்து வருகிறார்.ஆனால் குஷ்பு அந்த சேனலுக்குள் வருவதை அடுத்து, பல ஆண்டுகளாக அதே சேனலில் தான் நடித்த தொடர்களை ஒளிபரப்பி வந்த ராதிகா அங்கிருந்து வெளியேறுகிறாராம். அப்படி செல்பவர், ஜெயா டிவியில் ஒரு டாக்ஷோ நடத்தப் போகிறாராம். அதையடுத்து, மெகா சீரியலும் தனது ரடான் டிவி மூலமாக தயாரித்து ஜெயா டிவியில் ஒளிபரப்புகிறாராம். சன் டிவி ராதிகாவுக்கு கொடுத்திருந்த அதே நேரத்தை ஜெயா டிவியும் வழங்க முன்வந்துள்ளதாம்.