ரூ. 60 கோடி வசூலை நோக்கி ’ராஸி’ திரைப்படம்

கடந்த வாரம் வெளியான ராஸி பாலிவுட் திரைப்படம், பாக்ஸ் ஆஃபிஸ் வசூலில் தொடர்ந்து நிலையான இடத்தை தக்கவைத்துக்கொண்டுள்ளது.

ஜங்கிளி பிக்சர்ஸ் மற்றும் தர்மா புரெடக்‌ஷன் நிறுவனங்கள் இணைந்து தயாரித்துள்ள ராஸி திரைப்படம் கடந்த புதன் கிழமை மட்டும் ரூ. 5.90 கோடி வசூலை ஈட்டியுள்ளது.

இதன்மூலம் ராஸி திரைப்படம் வெளியான நாள் தொடங்கி தற்போது வரை ரூ. 51.24 கோடி வசூலித்துள்ளதாக தயாரிப்பு குழுவினர் தெரிவித்துள்ளனர்.

1971ம் ஆண்டில் இந்தியா பாகிஸ்தான் நாடுகளுக்கிடையில் நிலவி வந்த பரபரப்பான சூழ்நிலை பற்றி ராஸி திரைப்படம் விவரிக்கிறது.

ரசிகர்கள் மத்தியில் இப்படத்திற்கு தொடரும் வரவேற்பை குறித்து பேசிய ராஸி பட இயக்குநர் மேக்னா குல்சார், ”ராஸி திரைப்படம் உருவாக்குதலின் மூலம். பட திரைப்பட ஆர்வலர்களுக்கு தாங்கள் யார் என்பதை உணர்த்தியுள்ளோம்” என்று கூறினார்.

கடந்த வெள்ளியன்று வெளியான ’ராஸி’ திரைப்படம் வெள்ளி- 7.53 கோடி, சனி- 11.30, ஞாயிறு- 14.11 கோடி, திங்கள்- 6.30 கோடி, செவ்வாய் கிழமை- 6.10 கோடி, புதன்- 5.90 கோடி என மொத்தமாக 51.24 கோடி வசூலித்துள்ளது.