சம்பள விஷயத்தில் நேர்மையாக நடந்து கொள்ளும் ஹாலிவுட்!

பாலிவுட் சினிமாவில் முன்னணி நடிகையாக இருந்து வருபவர் நடிகை ராதிகா ஆப்தே. இவர் பல படங்களில் படு கவர்ச்சியாகவும் நடித்துள்ளார். தமிழில் இவர் ‘கபாலி’ படத்தில் ரஜினிக்கு மனைவியாக நடித்துள்ளார். தற்போது இவர் பாலியல் குற்றச்சாட்டுகள் பற்றி அதிரடியாக பேசி பரபரப்பை ஏற்படுத்தி வருகிறார்.

இவர் தமிழில் ‘தோனி’, ‘வெற்றிச்செல்வன்’, ‘அழகு ராஜா’ ஆகிய படங்களில் நடித்துள்ளார். மேலும் இந்தியில் ‘பர்ஷத்’ என்ற படத்தில் மிகவும் ஆபாசமாக நடித்தது பெரும் விமர்சனத்துக்கு உள்ளானது.

இந்நிலையில் ராதிகா ஆப்தே, அண்மையில் அளித்துள்ள பேட்டியில் ‘‘நான் ஹாலிவுட்டில் இரண்டு படங்களில் நடித்திருக்கிறேன். அங்கு பணிபுரியும் விதமும், அவர்களின் நடவடிக்கைகளும் மிகவும் வித்தியாசமாக இருக்கிறது. நாம் வேலை செய்ததற்குரிய சம்பளத்தை அவர்கள் சொன்ன தேதிக்கு முன்பே கொடுத்து விடுகிறார்கள்.

அவர்களிடம் சம்பளம் கொடுங்கள் என பேச்சுக்கே இடமில்லை. ஆனால் பாலிவுட் சினிமாவில் அப்படியில்லை. நான் நடித்த இரண்டு படங்கள் வெளியாகியும் இன்னும் எனக்கு சம்பளம் தராமல் இழுத்தடிக்கிறார்கள். மேலும் சில படத்தில் நடித்ததற்காக சம்பளத்திற்காக இரண்டு வருடங்கள்கூட காத்திருந்தேன்’’ என்றார் ராதிகா ஆப்தே.