ஹாப்பி பர்த்டே லவ்: காதலுடன் கணவருக்கு பிறந்தநாள் வாழ்த்துக்கள் பகிர்ந்த ராதிகா சரத்குமார்!

நடிகர், இயக்குனர், தயாரிப்பாளர், திரைக்கதை எழுத்தாளர், பின்னணி பாடகர் உள்ளிட்ட பன்முகத் திறமைகளை கொண்டவராக விளங்கும் நடிகர் சரத்குமார் இன்றைய தினம் தனது 67வது பிறந்தநாளை கொண்டாடி வருகிறார். தமிழ், மலையாளம், தெலுங்கு மற்றும் கன்னட மொழிகளில் 130க்கும் மேற்பட்ட படங்களில் நடித்துள்ள நடிகர் சரத்குமாருக்கு சமூக வலைத்தளங்களில் வாழ்த்துக்கள் குவிந்த வண்ணம் உள்ளன.

இந்நிலையில் இன்ஸ்டாகிராமில் தன்னுடைய கணவருக்கு காதலுடன் பிறந்தநாள் வாழ்த்து தெரிவித்துள்ளார் ராதிகா. அதில், இரும்பு மனிதர், தங்கமான மனசு. அவருக்கு கொடுக்க மட்டுமே தெரியும். எங்கள் வாழ்க்கையை வலிமையாக வைத்திருக்கும் எஃகு போன்ற இவரை பெற்ற நாங்கள் அதிர்ஷ்டசாலிகள் என பதிவிட்டுள்ளார்.

மேலும், அவரை பற்றி சொல்ல என்னிடம் வார்த்தைகள் இல்லை. எனது ஆழ்மனதில் இருந்து வாழ்த்துகிறேன். வலிமையாக, மகிழ்ச்சியாக, அனைத்தும் எப்போதும் சிறப்பாக அமைய வாழ்த்துக்கள். ஹேப்பி பர்த் டே லவ் என நெகிழ்ச்சியுடன் குறிப்பிட்டுள்ளார் ராதிகா. இந்த பதிவுடன் தங்கள் குடும்ப புகைப்படங்களை தொகுத்த அழகான வீடியோ ஒன்றையும் இணைத்துள்ளார். அவரின் இந்த பதிவு இணையத்தில் வைரலாகி வருகிறது.

தெலுங்கில் உருவாகும் ராட்சசன் இரண்டாம் பாகம்: விஜய் சேதுபதியிடம் பேச்சுவார்த்தை..?
அதேபோல் அவரது மகள் வரலஷ்மி சரத்குமாரும் தனது தந்தைக்கு பிறந்தநாள் வாழ்த்துக்கள் தெரிவித்து தனது ட்விட்டர் பக்கத்தில் பதிவு ஒன்றை பகிர்ந்துள்ளார். அதில், சரத்குமார் தற்போது இருப்பது போலவே எப்போதும் இருக்க வேண்டும் என்றும் அவரை தான் வானம் அளவிற்கு நேசிப்பதாகவும் பதிவிட்டுள்ளார். மேலும் தந்தையுடன் இருக்கும் புகைப்படங்களையும் அந்த பதிவுடன் இணைத்துள்ளார் வரலட்சுமி சரத்குமார்.


சரத்குமார் அடுத்ததாக “இரை” எனும் இணைய தொடரில் நடிக்க உள்ளார். இந்த தொடரை ராதிகாவின் தயாரிப்பு நிறுவனம் தயாரிக்கிறது. “தூங்காவனம், கடாரம் கொண்டான்” உள்ளிட்ட திரைப்படங்களை இயக்கிய இயக்குநர் ராஜேஷ் M செல்வா இந்த இணையதொடரினை இயக்குகிறார். பல திருப்பங்கள் திருப்பங்கள் நிறைந்த க்ரைம் திரில்லராக இந்த இணைய தொடர் உருவாகவுள்ளது.