ரசிகர்களிடம் உதவி கேட்டுள்ள ஏ.ஆர்.ரஹ்மான்!

காதலன் படத்தில் இடம் பெற்ற சூப்பர் ஹிட் பாடலான “டேக் இட் ஈஸி ஊர்வசி” பாடலை லைவ் நிகழ்ச்சிக்காக மாற்றி அமைக்க உள்ளாராம். அதனால் பாடலில் இடம் பெற்றுள்ள சரணத்தில் வெவ்வேறு வார்த்தைகளை எப்படி உபயோகிக்கலாம் என்று ரசிகர்களிடம் ஐடியா கேட்டு தனது சமூக வலைதளத்தில் பதிவிட்டுள்ளார். இயக்குநர் ஷங்கர் இயக்கத்தில் உருவான காதலன் படத்தில் டேக் இட் ஈஸி ஊர்வசி பாடல் இடம் பெற்றிருந்தது. இந்த பாடலுக்கு பிரபு தேவா நடனம் ஆடியிருந்தார்.

பாடலை தற்போது மறுசீரமைப்பு செய்ய இருப்பதால் ரசிகர்கள் எந்த மாதிரியாகவும் வரிகளை பரிந்துரை செய்யலாம் என்று கேட்டுக்கொண்டுள்ளார். ஹிலாரி கிளிண்டன், டொனால்டு டிரம்ப், ரூபாய் நோட்டு தடை பற்றியெல்லாம் எழுதாமல், தனித்துவமான, நகைச்சுவை உணர்வுடன் ஐடியா கொடுக்கலாம் என்று இசைப்புயல் கூறியுள்ளார். 1994 ஆம் ஆண்டு வெளியான காதலன் படத்தில் இடம் பெற்றிருந்த டேக் இட் ஈஸி பாடலை கவிஞர் வைரமுத்து எழுதியிருந்தார்.