ஜி.வி.பிரகாஷ் படத்துக்கு ரகுமான் இசை?

சென்னை: நடிகரும், இயக்குனருமான ஜி.வி.பிரகாஷ் நடித்து வரும் படத்தில் 9 பாடல்களுக்கு இசையமைத்து ஆஸ்கர் நாயகன் ரகுமான் படக்குழுவினரை ஆச்சர்யத்தில் ஆழ்த்தியுள்ளார்.

ஒளிப்பதிவாளரும், இயக்குனருமான ராஜீவ் மேனன் இயக்கத்தில் ஜி.வி.பிரகாஷ் நடிக்கவிருக்கும் புதுப்படத்தின் படப்பிடிப்புகள் வருகிற நவம்பர் மாதம் துவங்கவிருப்பதாக தகவல் தெரிவிக்கப்பட்டது.

இந்நிலையில், இப்படத்துக்கு இசையமைக்க ஆஸ்கர் நாயகன் ஏ.ஆர்.ரகுமானிடம் பேச்சுவார்த்தை நடத்தி பின்னர் ஒப்பந்தம் செய்ததாகவும் தெரிவிக்கப்பட்டது. தற்போது இப்படத்தில் இடம்பெறவுள்ள 9 பாடல்களுக்கான இசையை ரகுமான் படம் துவங்குவதற்கு முன்னதாகவே முடித்துள்ளார்.

இப்படத்தின் பாடல்களை பட வெளியீட்டுக்கு முன்னதாகவே பிரம்மாண்டமாக வெளியிட படக்குழுவினர் திட்டமிட்டுள்ளனர்.