800 கோடிப்பே.. தொடர் வசூல் வேட்டையில் 'ஆர் ஆர் ஆர்': ஆடிப்போன திரையுலகம்..!

ராஜமெளலி இயக்கத்தில் உருவாகியுள்ள படம் 'ஆர் ஆர் ஆர்'. இதில் ராம்சரண், ஜூனியர் என்.டி.ஆர், ஆலியா பட், அஜய் தேவ்கன், ஸ்ரேயா சரண் உள்ளிட்ட நட்சத்திர பட்டாளங்களே நடித்துள்ளனர். டிவிவி நிறுவனம் பெரும் பொருட்செலவில் பிரம்மாண்டமாக இந்த படத்தைத் தயாரித்துள்ளது.

தமிழ், தெலுங்கு, இந்தி உள்ளிட்ட அனைத்து மொழிகளிலும் ஒரே சமயத்தில் இந்தப் படம் கடந்த மாதம் 25ஆம் தேதி வெளியாகியுள்ளது. 'ஆர் ஆர் ஆர்' படத்திற்கு கீரவாணி இசையமைத்துள்ளார். சுமார் 500 கோடி ரூபாய் பட்ஜெட்டில் பிரம்மாண்டமாக தயாராகி உள்ள இப்படம் உலகம் முழுவதிலும் ஒரே சமயத்தில் வெளியாகி ரசிகர்கள் மத்தியில் அமோக வரவேற்பை பெற்று வருகிறது.

சுதந்திர போராட்ட வீரர்களான சீதாராம ராஜு மற்றும் கொமராம் பீம் ஆகியோரின் வாழ்க்கையை மையமாக வைத்து இப்படம் தயாராகி உள்ளது. இப்படத்தில் நடித்துள்ள ராம் சரண் மற்றும் ஜூனியர் என்.டி.ஆரின் நடிப்பை ரசிகர்கள் கொண்டாடி தீர்த்து வருகின்றனர்.
யாருக்காக இதெல்லாம் பண்றீங்க..?: ஐஸ்வர்யாவின் பதிவால் குழம்பிய ரசிகர்கள்..!
'ஆர் ஆர் ஆர்' படம் வசூலில் சக்கை போடு போட்டு வருகிறது. அதில், இந்தியாவில் மட்டும் 644 கோடி வசூல் செய்துள்ளதாகவும் பாகுபலி 2 படத்துக்கு அடுத்த படியாக இந்த படம் மிக பெரிய வசூலை செய்துள்ளதாகவும் தகவல்கள் வெளியாகியுள்ளது.


இந்தியில் மட்டும் 131 கோடி வசூல் செய்துள்ளதாக தகவல் கூறப்படுகிறது. ஒரு டப்பிங் படம் இந்தளவிற்கு வசூல் சாதனை படைத்துள்ளது பலருக்கும் ஆச்சரியத்தை அளித்துள்ளது. மேலும் உலகளவில் 809 கோடியை வசூல் செய்து விட்டதாகவும், விரைவில் 1000 கோடியை நெருங்கும் என்றும் கூறப்படுகிறது.