பாகுபலியை மிஞ்சும் பிரம்மாண்டம்: வெளியானது ராஜமெளலியின் 'ஆர் ஆர் ஆர்' டிரெய்லர்!

ராஜமெளலி இயக்கத்தில் உருவாகி வரும் படம் 'ஆர் ஆர் ஆர்'. இதில் ராம்சரண், ஜூனியர் என்.டி.ஆர், ஆலியா பட், அஜய் தேவ்கன், ஸ்ரேயா சரண் உள்ளிட்ட பலர் நடித்து வருகிறார்கள். டிவிவி நிறுவனம் பெரும் பொருட்செலவில் பிரம்மாண்டமாக இந்த படத்தைத் தயாரித்து வருகிறது. இந்நிலையில் இந்தப்படத்தின் டிரைலர் தற்போது வெளியாகியுள்ளது.

ரசிகர்கள் மத்தியில் மிகப்பெரிய எதிர்பார்ப்பினை ஏற்படுத்தியுள்ள 'ஆர் ஆர் ஆர்' படத்தின் மேக்கிங் வீடியோ அண்மையில் வெளியாகி பெரும் வைரலானது. தமிழ், தெலுங்கு, இந்தி உள்ளிட்ட அனைத்து மொழிகளிலும் ஒரே சமயத்தில் இந்தப் படம் வெளியாகவுள்ளது. கீரவாணி இசையமைப்பாளராக பணியாற்றி வரும் இந்த படத்தின் பாடல்கள் உருவாக்கும் பணிகள் கடந்த சில மாதங்களுக்கு முன்பு துவங்கியது.

'ஆர்.ஆர்.ஆர்' படத்தில் நட்பைப் பற்றிப் பாடல் ஒன்றுக்காக ஐந்து மொழி பாடகர்கள் ஒன்றிணைந்தனர். இந்தப்பாடலின் வரிகளை தெலுங்கில் ஸ்ரீவெண்ணிலா சீதாராம சாஸ்திரி, தமிழில் மதன் கார்க்கி, இந்தியில் ரியா முகர்ஜி, கன்னடத்தில் ஆசாத் வரதராஜ், மலையாளத்தில் மான்கொம்பு கோபாலகிருஷ்ணன் ஆகியோர் எழுதியுள்ளனர். இந்தப் படத்தின் அனைத்து மொழிகளின் இசை உரிமையை டி-சீரிஸ் நிறுவனம் மற்றும் லகரி மியூசிக் நிறுவனம் கைப்பற்றியுள்ளது.

துருவ் விக்ரமின் புதிய அவதாரம்: வைரலாகும் வீடியோ!
இந்த பாடலை தமிழில் அனிருத்தும், மலையாளத்தில் விஜய் யேசுதாஸும், ஹிந்தியில் அமித் திரிவேதியும், தெலுங்கில் ஹேமச்சந்திராவும், கன்னடத்திலும் யசின் நசிரும் பாடியுள்ளனர். அதனை தொடர்ந்து அண்மையில் அஜித்தின் ‘வலிமை’ பட பாணியில் ‘ஆர்.ஆர்.ஆர்’ படக்குழு கிளிம்ப்ஸ் வீடியோ ஒன்றை வெளியானது. பிரம்மிப்பூட்டும் காட்சிகள் அடங்கிய இந்த வீடியோ ரசிகர்களிடம் அமோக வரவேற்பினை பெற்றது.


இந்நிலையில் இந்தப்படத்தின் டிரைலர் தற்போது வெளியாகி இணையத்தில் வைரலாகி வருகிறது. டிரைலரில் இடம்பெற்றுள்ள பிரம்மாண்ட காட்சிகளும், மேக்கிங்கும் படத்தின் மீது ரசிகர்களுக்கு மிகப்பெரிய எதிர்பார்ப்பினை கிளப்பியுள்ளது. 'ஆர் ஆர் ஆர்' படம் வருகின்ற ஜனவரி மாதம் 7 ஆம் தேதி திரையரங்குகளில் வெளியாக உள்ளது குறிப்பிடத்தக்கது.