ராஜீவ் மேனன் இயக்கத்தில் ஜி.வி. பிரகாஷ்

டைரக்டர் ராஜீவ் மேனன் இயக்கத்தில் ஜி.வி. பிரகாஷ் நடிக்கவிருக்கிறார்.

‘மின்சார கனவு’, ‘கண்டுகொண்டேன் கண்டுகொண்டேன்’ படங்களுக்குப் பிறகு அடுத்ததாக ஒரு படம் இயக்க உள்ளார் ராஜீவ் மேனன். ஜி.வி. பிரகாஷ் இந்தப் படத்தில் கதாநாயனாக நடிக்கிறார். இசை ஏ.ஆர். ரஹ்மான். கதாநாயகியாக சாய் பல்லவி நடிக்க வாய்ப்புள்ளது.

இந்தப் படம் பற்றி ஒரு பேட்டியில் ஜி.வி. பிரகாஷ் கூறும்போது: ‘‘‘கடவுள் இருக்கான் குமாரு’ படத்தில் நடித்துமுடித்தபிறகு ராஜீவ் மேனன் படத்தில் நடிக்க உள்ளேன். நீண்டநாளைக்குப் பிறகு மியூசிகல் படம் வெளிவரவுள்ளது. ஏ.ஆர். ரஹ்மான் ஏற்கெனவே 4 பாடல்களை அளித்துவிட்டார். மிகவும் அருமையான கதை. இதன் படப்பிடிப்பில் கலந்துகொள்ள ஆர்வமாக உள்ளேன்’’ என்று அவர் கூறியுள்ளார்.