ரஜினி ரசிகர்கள் கொண்டாட்டம்!

இன்று வெளியான கபாலி படத்திற்காக திரையரங்குகளில் ரஜினி ரசிகர்கள் திருவிழா போல் கொண்டாடினார்கள்.

உலகமே எதிர்பார்த்த கபாலி திரைப்படம் இன்று வெளியாகியுள்ளது. வெளிநாடுகளில் நேற்றே வெளியாகிவிட்டது. ஆனால் இந்தியாவில் இன்று காலை முதல் திரையிடப்பட்டது. படம் பார்த்த பின்னர் கபாலி திரைப்படத்திற்கு ரசிகர்கள் பெரும் வரவேற்பு தெரிவித்துள்ளனர். முதல் பாதி ரொம்பவே வேகமாக இருப்பதாகவும், இரண்டாவது பாதி திரைப்படம் டிராமா வகையில் உணர்வு பூர்வமாக, ரசிக்கும் படி இருப்பதாக கருத்து தெரிவித்துள்ளனர். ரஜினியின் அறிமுகக்காட்சிக்காகவே படத்தை பல முறை பாரக்கலாம் என்றும் ரசிகர்கள் கூறுகின்றனர். ரஜினி, ராதிகா ஆப்தே, தன்ஷிகா மற்றும் ரித்விகா ஆகியோர் தங்களின் சிறப்பான நடிப்பை வெளிப்படுத்தி உள்ளதாகவும் ரசிகர்கள் தரப்பில் சொல்லப்படுகிறது. ஸ்டைலான, அதே நேரத்தில் நடிப்பில் தனது உச்சத்தை ரஜினிகாந்த் தொட்டு இருக்கிறார் என்பதே ரசிகர்களின் கருத்தாக உள்ளது.

Chennai: Superstar Rajinikanth's fans throng multiplexes as 'Kabali' movie hits screens pic.twitter.com/1TjlQXliPD— ANI (@ANI_news) July 22, 2016s