நான் சிறந்த நடிகர் இல்லையா? சூப்பர் ஸ்டார்

என்னை சிறந்த நடிகராக இயக்குனர் பாரதிராஜா எப்போதும் ஏற்றுக்கொள்ள மாட்டார் என்று ரஜினிகாந்த் தெரிவித்துள்ளார்.

பாரதிராஜா இன்டர்நேஷனல் இன்ஸ்டிட்யூட் ஆஃப் சினிமா' என்ற பெயரில் பயிற்சி பட்டறை நிறுவனத்தை இயக்குனர் பாரதிராஜா நேற்று தொடங்கினார். இவ்விழாவிற்கு ரஜினிகாந்த், கமல்ஹாசன், ராதா, சுகன்யா, பூர்ணிமா பாக்கியராஜ் ஆகியோர் பலர் கலந்து கொண்டனர்.

அப்போது பேசிய ரஜினிகாந்த் கூறுகையில், ஒரு நடிகராக அல்லாமல் பாரதிராஜாவுக்கு என்னை பிடிக்கும். ஆனால், ஒரு நடிகனாக என்னைப் பிடிக்காது. நான் எவ்வளவுதான் நடித்தாலும் என்னை சிறந்த நடிகன் என்று ஏற்றுக்கொள்ள மாட்டார்' என்றார்.

இவரைத் தொடர்ந்து பேசிய கமல்ஹாசன் கூறுகையில், கற்ற வித்தையை அனைவருக்கும் கற்றுக்கொடுக்கும் பாரதிராஜா சமண முனிவருக்கு ஒப்பானவர். பல தடைகளைத் தாண்டி ஒரு கலைஞனை உருவாக்கத் தெரிந்தவர் என்று கூறியுள்ளார்.

இறுதியாக பேசிய பாரதிராஜா கூறுகையில், திரைத்துறை என் வாழ்கையை முழுமை ஆக்கியது. ஒரு வேளை நான் வேறு துறையில் இருந்திருந்தால் இந்த அளவிற்கு சாதித்திருப்பேனா என்று எனக்கு தெரியாது என்று கூறியுள்ளார்.