ஏவிஎம் இல்லத் திருமணத்தில் கலந்து கொண்ட ரஜினி!

ஏ.வி.எம். தயாரிப்பு நிறுவனங்களின் உரிமையாளர்கள் இல்லத் திருமண நிகழ்ச்சியில் நடிகர் ரஜினிகாந்த் கலந்து கொண்டுள்ளார்.

தமிழ் சினிமாவின் பழம்பெரும் தயாரிப்பு நிறுவனமான ஏவிஎம் நிறுவனத்தை நிர்வகித்து வரும் ஏவிஎம் சரவணனின் பேத்தியும், எம்.எஸ்.குகனின் மகளுமான அபர்ணாவுக்கும், பிரபல திரைப்படத்தயாரிப்பாளர் எம்.ரகுநாதனின் மகன் ஷ்யாமுக்கும் இன்று ஏவிஎம் ராஜேஸ்வரி கல்யாண மண்டபத்தில் திருமணம் நடைபெற்றது.

இந்த நிலையில் அதே மண்டபத்தில் நேற்று மணமக்கள் திருமண வரவேற்பு நடைபெற்றது. இந்த வரவேற்பில் நடிகர் ரஜினிகாந்த் உள்பட சினிமா நட்சத்திரங்கள் பலர் நேரில் கலந்து கொண்டு மணமக்களை வாழ்த்தினர்.

மணமகனான ஷ்யாம், எம்பிஏ பட்டதாரி. இவர் இயக்குனர் மிஷ்கின் இயக்கவுள்ள அடுத்த படத்தில் ஹீரோவாக அறிமுகமாகவுள்ளார்.