‘தெறி’ இசை வெளியீட்டு விழாவில் கலந்து கொள்ளும் ரஜினி!

விஜய் நடித்த ‘தெறி’ படத்தின் இசை வெளியீட்டு விழாவில் ரஜினி கலந்து கொள்வார் என்று எதிர்பார்க்கப்படுகிறது.

விஜய் நடிப்பில் தற்போது உருவாகியுள்ள படம் ‘தெறி’. படத்தை டைரக்டர் அட்லி இயக்கியுள்ளார். இப்படத்திற்கு ஜி.வி.பிரகாஷ் இசையமைத்துள்ளார். சமீபத்தில் இப்படத்தில் இடம் பெறும் பாடல்களின் வரிகளை ஜி.வி.பிரகாஷ் வெளியிட்டார். இப்படத்தின் இசை வெளியீட்டு விழா இம்மாதம் 20ம் தேதி சென்னையில் நடைபெறவுள்ளது.
இந்த விழாவில் சிறப்பு விருந்தினராக ரஜினிகாந்த் கலந்துக் கொள்வார் என்று எதிர்பார்க்கப்படுகிறது. ரஜினி தற்போது நடித்துவரும் ‘கபாலி’ படத்தையும், விஜய்யின் ‘தெறி’ படத்தையும் கலைப்புலி எஸ்.தாணு தயாரித்து வருகிறார். ஆகையால் இந்த விழாவிற்கு கண்டிப்பாக ரஜினி கலந்து கொள்வார் என்று தெரிகிறது.

தெறி படத்தில் விஜய்க்கு ஜோடியாக சமந்தா மற்றும் எமி ஜாக்சன் நடித்துள்ளனர். மேலும் முக்கிய கதாபாத்திரத்தில் மீனா மகள் நைனிகா நடித்திருக்கிறார். இப்படம் ஏப்ரல் மாதம் திரைக்கு வரவிருக்கிறது.