Darbar Movie: சண்டைக்கு தயாராகும் ரஜினிகாந்த்: தர்பார் செகண்ட் லுக் போஸ்டர்!

பேட்ட படத்தின் மாபெரும் வெற்றியைத் தொடர்ந்து ரஜினிகாந்த் நடிப்பில் உருவாகி வரும் படம் தர்பார். இப்படம் தான் இயக்குநர் ஏ.ஆர்.முருகதாஸ் – ரஜினிகாந்த் கூட்டணியில் உருவாகும் முதல் படம். கடந்த ஏப்ரல் 8ம் தேதி இப்படத்தின் பூஜை போடப்பட்டு, 9ம் தேதி ஃபர்ஸ்ட் லுக் போஸ்டர் வெளியானது. 10ம் தேதி இப்படத்தின் படப்பிடிப்பு மும்பையில் தொடங்கியது.

இந்த நிலையில், ஓணம் பண்டிகையை முன்னிட்டு இப்படத்தின் செகண்ட் லுக் போஸ்டர் தற்போது வெளியாகியுள்ளது. இந்த போஸ்டரில் ரஜினிகாந்த் கோபத்துடன் முகத்தை வைத்துக்கொண்டு வெறும் பனியன் மட்டுமே அணிந்திருப்பதோடு, கம்பியை பிடித்து உடற்பயிற்சி செய்வது போன்றும் காட்டப்பட்டுள்ளது. லைகா நிறுவனம் தயாரிக்கும் இப்படத்திற்கு அனிருத் இசையமைத்து வருகிறார். சந்தோஷ் சிவன் ஒளிப்பதிவு செய்கிறார். வரும் 2020 ஆம் ஆண்டு பொங்கல் பண்டிகையை முன்னிட்டு திரைக்கு வரவுள்ளது என்பது குறிப்பிடத்தக்கது.

Darbar Movie: சண்டைக்கு தயாராகும் ரஜினிகாந்த்: தர்பார் செகண்ட் லுக் போஸ்டர்!

Vijay: பிகில் தெலுங்கு உரிமையை கைப்பற்றிய பிரபல நிறுவனம்!

பாலியல் தொல்லை கொடுத்தவருக்கு கட்அவுட், எனக்கு கெட்அவுட்டா?: சூப்பர் ஸ்டாரை விளாசிய நடிகை


இப்படத்தில் ரஜினிக்கு ஜோடியாக நயன் தாரா நடிக்கிறார். மேலும், யோகி பாபு, நிவேதா தாமஸ், சுனில் ஷெட்டி, ஸ்ரீமன், தம்பி ராமையா ஆகியோர் உள்பட பலர் நடித்துள்ளனர். தர்பார் படப்பிடிப்பு தொடங்கியதிலிந்து இப்படத்தின் படப்பிடிப்பு புகைப்படங்கள் சமூக வலைதளங்களில் வெளியாகி வந்தன. இதற்கு நடவடிக்கை எடுக்கும் வகையில், இயக்குநர் முருகதாஸ் மும்பை காவல் நிலையத்தில் புகார் அளித்தார். இதையடுத்து உரிய பாதுகாப்பு வசதிகளுடன் தர்பார் படப்படிப்பு நடந்து வந்தது என்பது குறிப்பிடத்தக்கது.


இந்த நிலையில், பொங்கல் பண்டிகையை முன்னிட்டு திரைக்கு வரும் இப்படத்திற்கு இன்ப செய்தி ஒரு காத்திருக்கிறது. அதாவது, வரும் 2020ம் ஆண்டு ஜனவரி 15ம் தேதி இப்படம் வெளியாகிறது. இதற்கு முன்னதாக,

ஜனவரி 11ம் தேதி சனி – விடுமுறை

12 ஆம் தேதி ஞாயிறு விடுமுறை

13 ஆம் தேதி வேலை நாள்

14 ஆம் தேதி போகி பண்டிகை அரசு விடுமுறை

15 ஆம் தேதி பொங்கல் பண்டிகை அரசு விடுமுறை

16 ஆம் தேதி மாட்டுப்பொங்கல் அரசு விடுமுறை

17 ஆம் தேதி காணும் பொங்கல் அரசு விடுமுறை

18 ஆம் தேதி சனி விடுமுறை

19 ஆம் தேதி ஞாயிறு விடுமுறை.

திங்கள் விடுமுறை அறிவித்தால் தொடர்ந்து 9 நாட்கள் விடுமுறை என்பதால், படத்தின் ரிலீஸ் தேதி மாற்றியமைக்கக் கூடும் என்று எதிர்பார்க்கப்படுகிறது. பேட்ட படத்தைப் போன்று தர்பார் படமும் பாக்ஸ் ஆபிஸ் வசூல் குவிக்கும் என்று இப்போதே கணிக்கப்பட்டு வருகிறது.