நடிகர் ரஜினிகாந்த் கொடும்பாவி எரிப்பு; சென்னையில் பரபரப்பு!!

நடிகர் ரஜினிகாந்த் தன்னை பச்சை தமிழன் என்று கூறியதற்கு எதிர்ப்பு தெரிவித்து அவரது வீடு அருகே இன்று தமிழர் முன்னேற்றப் படையினர் போராட்டம் நடத்தி, அவரது கொடும்பாவியை எரித்தனர்.

நடிகர் ரஜினிகாந்த் சமீபத்தில் சென்னையில் தனது ரசிகர்களை சந்தித்து அவர்களுடன் புகைப்படம் எடுத்துக் கொண்டார். மேலும், அவர்கள் முன்பு பேசுகையில், ''கர்நாடகா மாநிலத்தில் நான் 23 ஆண்டுகள் தான் வசித்தேன். மீதமுள்ள 44 ஆண்டுகளும் தமிழத்தில்தான் வசித்து வருகிறேன். நீங்கள் கொடுத்த வாழ்க்கைதான் இது. நான் பச்சை தமிழன். என்னை வேண்டாம் என்று நீங்கள் தூக்கி எறிந்தால், நான் வேறு மாநிலத்திற்கு செல்ல மாட்டேன். இமயமலைக்குத்தான் செல்வேன்'' என்று கூறி இருந்தார்.

இதையடுத்து, ரஜினி அரசியலுக்கு வருவாரா? மாட்டாரா? என்ற சலசலப்பு தமிழகத்தில் மட்டுமின்றி தேசிய அளவில் எழுந்துள்ளது. பாஜக கட்சிக்கு ரஜினி வந்தால் வரவேற்போம் என்று பாஜக தேசிய தலைவர் அமித்ஷாவும் நேற்று கூறியிருந்தார்.

இந்நிலையில் அவர் பாஜகவில் சேருவாரா அல்லது தனிக்கட்சி துவங்குவாரா? என்ற எதிர்பார்ப்பு எழுந்துள்ளது.
#WATCH | Fringe group protest outside Rajinikanth's house after he hints his debut in politics. #VoteForThalaivar pic.twitter.com/MZiGAhsuHK — TIMES NOW (@TimesNow) May 22, 2017 இதற்கிடையே, தமிழகத்தில் அவருக்கு எதிராக பல்வேறு தமிழ் சார் அமைப்பினரும் எதிர் கருத்துக்களை தெரிவித்து வருகின்றனர். தமிழன் என்று ரஜினி தன்னை கூறியதற்கு எதிர்ப்பு தெரிவித்து அவரது வீடு முற்றுகையிடப்படும் என்று தமிழர் முன்னேற்றப்படை அறிவித்து இருந்தது. இதையடுத்து அவரது வீட்டுக்கு பலத்த போலீஸ் பாதுகாப்பு போடப்பட்டு இருந்தது. பாதுகாப்பையும் மீறி அங்கு வந்த வீரலட்சுமி போன்றோர், ரஜினியின் கொடும்பாவியை எரித்தனர். ரஜினிக்கு எதிராக கோஷம் எழுப்பினர். பின்னர் அவர்களை போலீசார் கைது செய்து அழைத்து சென்றனர்.

Rajinikanth effigy has burnt near to his house!!