இதான் தலைவரோட மனசு.. எஸ்.ஜே. சூர்யாவை வறுத்தெடுக்கும் ரஜினி ரசிகர்கள்!

'மாநாடு' சிம்புவின் மிகப்பெரிய கம்பேக் படமாக அமைந்துள்ளது. சுரேஷ் காமாட்சி தயாரிப்பில், வெங்கட் பிரபு இயக்கத்தில் உருவான இந்தப்படத்தின் ரிலீசுக்காக வெகு நாட்களாக ரசிகர்கள் காத்திருந்தினர். பலவித தடைகளுக்கு மத்தியில் கடந்த வியாழக்கிழமை திரையரங்குகளில் வெளியாகியுள்ள இந்தப்படம் ரசிகர்களிடம் அமோக வரவேற்பினை பெற்று வருகிறது.

'மாநாடு' படத்தில் சிம்புவிற்கு ஜோடியாக கல்யாணி நடித்துள்ளார். இவர்களுடன் எஸ்ஏ சந்திரசேகர், பாரதிராஜா, எஸ்.ஜே.சூர்யா, பிரேம்ஜி, அரவிந்த் ஆகாஷ், ஒய்.ஜி.மகேந்திரன், வாகை சந்திர சேகர், டேனியல் பாலாஜி, மனோஜ், பிரேம்ஜி, உதயா மற்றும் கருணாகரன் உள்ளிட்ட நட்சத்திர பட்டாளங்களே இந்தப்படத்தில் நடித்துள்ளனர்.

'மாநாடு' படத்தில் சிம்புவை தாண்டி எஸ்.ஜே. சூர்யாவின் நடிப்பும் பலரால் பாராட்டப்பட்டு ரசிக்கப்பட்டு வருகிறது. இந்நிலையில் 'மாநாடு' படக்குழுவினரை வாழ்த்திய நடிகர் ரஜினிகாந்த். எஸ்.ஜே. சூர்யாவிற்கும் தொலைபேசி மூலமாக வாழ்த்து தெரிவித்துள்ளார். இது குறித்து எஸ்.ஜே. சூர்யா தனது ட்விட்டர் பக்கத்தில் 'இன்று எனது நடிப்பு திறமைக்காக எனக்கு மிகப்பெரிய விருது கிடைத்ததாக உணர்கிறேன். ரஜினிகாந்த் அவர்களின் அன்பான பாராட்டு இந்த திரையுலக பயணத்தை எதிர்கொள்ள பெரும் பலத்தை அளிக்கிறது’ என பதிவிட்டுள்ளார்.

சடலமாக கண்டெடுக்கப்பட்ட பிரபல பாடகியின் தந்தை: அதிர்ச்சி சம்பவம்!
'மாநாடு' படம் ஏற்கனவே தீபாவளி வெளியீடாக ரிலீஸ் ஆகும் என அறிவித்திருந்தனர். அதன்பின்னர் நவம்பர் 25 ஆம் தேதி படத்தின் வெளியீட்டை தள்ளி வைப்பதாக அறிவித்தனர். இதனை தொடர்ந்து எஸ்.ஜே. சூர்யா தனது ட்விட்டர் பக்கத்தில் நவம்பர் 25 ஆம் தேதி தான் உண்மையான தீபாவளி என பதிவிட்டிருந்தார். 'அண்ணாத்த' படம் தீபாவளி தினத்தன்று ரிலீசாக இருந்ததால், எஸ்.ஜே. சூர்யாவின் பதிவு ரஜினி ரசிகர்கள் மத்தியில் எரிச்சலை ஏற்படுத்தியது.

இந்நிலையில் தற்போது ரஜினிகாந்த் தன்னை தொலைப்பேசியில் வாழ்த்தியதாக எஸ்.ஜே. சூர்யா பகிர்ந்துள்ள பதிவிற்கு ரஜினி ரசிகர்கள் பலரும், 'இதான் தலைவரோட மனசு, உங்களுக்கு சீனியர் நடிகருக்கு மரியாதை தர தெரியலை. மேன்மக்கள் எப்போதும் மேன்மக்கள்' என பலவாறாக கமெண்ட் செய்து எஸ்.ஜே. சூர்யாவை வறுத்தெடுத்து வருகின்றனர்.