100 முறை சாதனை படைத்த மாற்றுத் திறனாளி ரசிகரின் கனவை நிறைவேற்றிய சூப்பர் ஸ்டார்!

பிறவியிலேயே கால் ஊனமுற்ற மாற்றுத்திறனாளி பிரகாஷ். சிறுவயது முதலே பிறருக்கு உதவுவது அவரது வழக்கமாக இருந்து வருகிறது. இதுகுறித்து அவர் கூறுகையில், நான் மாற்றுத்திறனாளியாக இருந்தாலும், மற்றவர்களுக்கு எடுத்துக்காட்டாக உதவும் குணமுடையவனாக இருக்க ஆசைப்பட்டேன்.

அதற்காக நான் தேர்ந்தெடுத்த வழி தான் இரத்த தானம். இதுவரை 100 முறைக்கு மேல் இரத்த தானம் செய்துள்ளேன். 18 மாநிலங்களுக்கு மேல் பயணம் செய்து, இரத்த தானம், உடல் தானம் பற்றி விழிப்புணர்வு பிரச்சாரம் செய்துள்ளேன் என்று கூறினார்.

இதற்காக அவருக்கு சாதனை சான்றிதழ் வழங்கப்பட்டுள்ளது. தீவிர ரஜினி ரசிகரான பிரகாஷ், ஒருநாள் ரஜினியை சந்தித்து, அவர் கையால் அந்த சான்றிதழ் வாங்க வேண்டும் என்று ஆசைப்பட்டுள்ளார்.

இந்த விஷயம் குறித்து அறிந்த ரஜினி ரசிகர் மன்ற நிர்வாகிகள், உடனே ரஜினியின் கவனத்திற்கு எடுத்துச் சென்றனர். ரசிகனைப் பற்றி கேள்விப்பட்ட ரஜினி, அவரை அழைத்துள்ளார். அப்போது ரசிகனை கட்டித் தழுவி பாராட்டி, அவருக்கு தன் கையால் சான்றிதழ் வழங்கியுள்ளார்.

ரஜினியை சந்திப்பது பலரது கனவாக இருக்கும் வேளையில், மாற்றுத்திறனாளி ரசிகரை ரஜினி தேடிச் சந்தித்திருப்பது அவரது ரசிகர்களை உற்சாகப்படுத்தி உள்ளது. இந்த தருணத்தை தன் வாழ்வில் மறக்க முடியாது என்று பிரகாஷ் பெருமைப்படுகிறார்.