சித்திரக்குள்ளனாக நடிக்கும் ரஜினிகாந்த்!

ஷங்கர் இயக்கத்தில் தயாராகி வரும் 2.0 படத்தில் ரஜினி 5 வித்தியாசமான லுக்கில் நடிப்பதாக இணையத்தில் பரவலாக பேசப்படுகிறது. இந்நிலையில் 2.0 படத்தில் ரஜினி சித்திரக்குள்ளனாக நடிக்க இருப்பதாக தகவல் வெளியாகியுள்ளது. மேலும் அந்த கேரக்டர் வித்தியாசமான முறையில் வடிவமைக்கப்பட்டு இருப்பதாகவும் சொல்லப்படுகிறது.

2.0 முதல் நாள் படப்பிடிப்பு குறித்த எக்ஸ்குளூசிவ் கட்டுரை சென்னை டைம்ஸில் வெளியானது. அதில் ஒரு காட்சிக்காக பல குள்ள மனிதர்கள் ஒன்றாக ஒருங்கிணைக்கப்பட்டு இருந்தது கட்டுரையில் குறிப்பிடப்பட்டு இருந்தது. அவர்களுக்கு நடுவே ரஜினியும் தன்னுடைய ஆய்வகத்தில் உட்கார்ந்து இருப்பது போன்ற காட்சி அமைக்கப்பட்டு இருந்தது.

ரஜினியும் ஒரு குள்ளமனிதராக நடித்திருப்பதாக தகவல் வெளியாகியுள்ளது. படத்தில் வில்லனாக நடிக்கும் அக்ஷய் குமார் 12 கேரக்டர்களில் நடிக்கிறார். ஒவ்வொரு கதாப்பாத்திரத்திற்கும் தனித்தனியாக டயட் ஃபாலோ செய்து உடலமைப்பை தயார் செய்து அக்ஷய் குமார் நடித்துள்ளார்.