Nerkonda Paarvai: தல அஜித்தை மனதார பாராட்டிய ரஜினிகாந்த்!

அஜித் குமார் நடிப்பில் கடந்த வாரம் 8ம் தேதி வெளியான மாஸ் படம் நேர்கொண்ட பார்வை. என்னதான் முழுக்க முழுக்க பெண்களை மையப்படுத்திய படமாக இருந்தாலும், அஜித்தின் நீதிமன்ற காட்சியின் போது பெண்களிடமிருந்து ஆண்களை தான் பாதுகாக்க வேண்டும் என்று குறிப்பிட்டு கூறியிருப்பார். ஹெச் வினோத் இயக்கத்தில் அஜித் நடிப்பில் வந்த படம் தான் நேர்கொண்ட பார்வை. இப்படத்தில் அஜித்துடன் இணைந்து அபிராமி வெங்கடாச்சலம், ஷ்ரத்தா ஸ்ரீநாத், வித்யா பாலன், டெல்லி கணேஷ், ரங்கராஜ் பாண்டே ஆகியோர் உள்பட 21 பிரபலங்கள் இப்படத்தில் நடித்துள்ளனர். போனி கபூர் தயாரித்துள்ள இப்படத்திற்கு யுவன் சங்கர் ராஜா இசையமைத்துள்ளார்.

Also Read: 400 கலைஞர்களுக்கு தங்க மோதிரம் அன்புப் பரிசாக வழங்கிய தளபதி!

முதல் நாளில் சென்னையில் ரூ.1.58 கோடி, 2ம் நாளில் ரூ.1.17 கோடி, 3ம் நாளில் ரூ.1.38 கோடி, 4ம் நாளில் ரூ.1.42 கோடி வரையில் வசூல் கொடுத்து அஜித்தின் விஸ்வாசம் பட சாதனையை இப்படம் முறியடித்துள்ளது. இதே போன்று தமிழக வசூலில் 4 நாட்கள் முடிவில் ஒட்டுமொத்தமாக இப்படம் ரூ.40 கோடி வரையில் வசூல் குவித்திருக்கும் என்று எதிர்பார்க்கப்படுகிறது. முதல் நாளில் தமிழகத்தில் ரூ.26.3 கோடி வரையிலும், 2ம் நாளில் ரூ.19.1 ஒரு கோடியும், 3ம் நாளில் ரூ.20.4 கோடியும், 4ம் நாளில் ரூ.20.1 கோடியும், 5ம் நாளில் ரூ.14.4 கோடி வரையிலும் வசூல் குவித்ததாக தல ரசிகர்கள் டுவிட்டரில் தெரிவித்துள்ளனர்.

Also Read: Athi Varadar Darshan: அத்தி வரதரை தரிசனம் செய்தார் ரஜினிகாந்த் - வீடியோ உள்ளே

தமிழகம் மட்டுமல்லாமல் கர்நாடகவிலும் அஜித்துக்கு வரவேற்பு கிடைத்துள்ளது. உலகளவிலும் ஃபாக்ஸ் ஆபிஸ் வசூல் குவித்து வரும் இப்படம் இந்தியளவில் நம்பர் 1 இடத்தைப் பிடித்துள்ளது என்பது குறிப்பிடத்தக்கது. அதோடு வெறும் 4 நாட்களில் 100 கோடிக்கும் அதிகமாக வசூல் குவித்த படம் என்ற பெருமையை தல அஜித்தின் நேர்கொண்ட பார்வை படம் படைத்துள்ளது. இதற்கு முன்னதாக விஸ்வாசம் படம் ரூ.100 கோடிக்கும் அதிகமாக வசூல் குவித்திருந்தது குறிப்பிடத்தக்கது.

Also Read: கார்த்தி, விஜய் சேதுபதி, பிரபுதேவா, யுவன் ஆகியோருக்கு கலைமாமணி விருது வழங்கினார் முதல்வர்

ரசிகர்கள் முதல் சினிமா பிரபலங்கள் வரை இப்படத்தைக் கண்டு அஜித்துக்கு பாராட்டு தெரிவித்து வருகின்றனர். இத்தனை வருட சமூகத்தின் மீது தனக்கிருந்த கோபத்தை தல அஜித் இப்படத்தின் மூலம் வெளிக்காட்டி சாந்தப்படுத்தியுள்ளார். ஆம், சமூகத்தில் நிலவும் அவலங்களை குறிப்பிட்டு பேசியுள்ளார். ஆம், அஜித் தனது படங்களில் புகைப்பிடிப்பது இல்லை, மது அருந்துவது இல்லை. பாதுகாப்பு விழிப்புணர்வுக்காக தனது படங்களில் வாகனம் ஓட்டும் போது தலையில் ஹெல்மெட் அணிந்து கொள்வதை வழக்கமாக கொண்டுள்ளார். இதனை அவரது ரசிகர்களும் பின்பற்றி வருகின்றனர்.

எத்தனை முறை வேண்டுமானாலும் பார்க்க வேண்டிய ஒரு தமிழ் படம். சமூகத்திற்கும், தனிமனித ஒழுக்கத்திற்கும், பெண்களுக்கும் இந்தப் படத்தின் மூலம் தல அஜித் எந்தவிதமான அறிவுரைகளை கொடுத்திருக்கிறார் என்பது எல்லாம் புரியவரும். இந்த நிலையில், தல அஜித்தின் நேர்கொண்ட பார்வை படத்தைப் பார்த்த சூப்பர் ஸ்டார் ரஜினிகாந்த் அஜித்தை போனில் தொடர்பு கொண்டு அவரது நடிப்பு மற்றும் படத்திற்கு பாராட்டு தெரிவித்துள்ளார். ரஜினியின் இந்த பாராட்டு படக்குழுவினருக்கு உற்சாகத்தை ஏற்படுத்தியுள்ளது.

இப்படத்தைத் தொடர்ந்து, மீண்டும் ஹெச் வினோத் மற்றும் போனி கபூர் கூட்டணில் அஜித் தனது 60ஆவது படத்தில் நடிக்க இருக்கிறார். இப்படத்தின் படப்பிடிப்பு இந்த மாதம் இறுதியில் தொடங்க இருக்கிறது. இப்படத்தில் போனி கபூரின் மகள் ஜான்வி கபூர் நடிக்க இருப்பதாக தகவல் வெளியானது. ஆனால், அது குறித்து உண்மையான அறிவிப்பு விரைவில் வெளியாகும் என்று எதிர்பார்க்கப்படுகிறது. இப்படத்தில் அஜித்துக்கு ஜோடியாக நயன்தாரா அல்லது த்ரிஷா ஆகியோரில் யாரேனும் ஒருவர் நடிக்க இருப்பதாக கூறப்படுகிறது.