ரூ. 200 கோடிப்பு, 11 நாளில் தர்பார் வசூல் ரூ. 200 கோடிப்பு

ஏ. ஆர். முருகதாஸ் இயக்கத்தில் ரஜினிகாந்த், நயன்தாரா, நிவேதா தாமஸ், யோகி பாபு உள்ளிட்டோர் நடித்த தர்பார் படம் கடந்த 9ம் தேதி வெளியாகனது. தமிழ், தெலுங்கு, இந்தி ஆகிய மூன்று மொழிகளில் பிரமாண்டமாக ரிலீஸான தர்பார் 11 நாட்களில் உலக அளவில் ரூ. 200 கோடி வசூல் செய்துள்ளதாம்.

தர்பார் தமிழகத்தில் மட்டும் இதுவரை ரூ. 80 கோடி வசூலித்துள்ளது. ஆந்திரா மற்றும் தெலுங்கானா ஆகிய மாநிலங்களில் ரூ. 20 கோடியும், கேரளாவில் ரூ. 8 கோடியும், கர்நாடகாவில் ரூ. 19 கோடியும் வசூல் செய்துள்ளது. மேலும் தர்பார் இந்தியில் ரூ. 8 கோடி வசூலித்துள்ளது. வெளிநாடுகளில் ரூ. 70 கோடி வசூல் செய்துள்ளது தர்பார்.

தர்பார் படத்தை பார்த்தவர்கள் ரஜினி இளமையாக, ஸ்டைலாக இருக்கிறார் என்பதை தவிர அதில் ஒன்றுமே இல்லை. அதிலும் குறிப்பாக கதையே இல்லை என்று விமர்சித்தார்கள். பலவிதமான விமர்சனங்கள் எழுந்த பிறகும் தர்பார் பாக்ஸ் ஆபீஸில் ஆதிக்கம் செலுத்தியுள்ளது என்பது குறிப்பிடத்தக்கது. தந்தை, மகள் பாசத்தை காட்டிய காட்சிகள் தான் ரசிகர்களுக்கு மிகவும் பிடித்திருந்தது.

ரஜினிகாந்த் 25 ஆண்டுகள் கழித்து காக்கிச் சட்டை அணிந்து நடித்தார். அவர் போலீசாக நடித்தால் அந்த படம் ஓடாது என்கிற சென்டிமென்ட் இருந்த நிலையில் தர்பார் ரிலீஸானது. தர்பார் படத்தால் வருத்தமாக இருப்பது நயன்தாரா ரசிகர்கள் மட்டுமே. ஹீரோயின் என்று பெயருக்கு நயன்தாராவை நடிக்க வைத்திருக்கிறார்கள். மகளாக நடித்த நிவேதா தாமஸுக்கு அளிக்கப்பட்ட முக்கியத்துவம் கூட நயனுக்கு இல்லை என்பதே ரசிகர்களின் வருத்தம்.