Darbar Piracy லோக்கல் டிவி சேனலில் வந்த தர்பார்: இது என்னய்யா ரஜினிக்கு அடுத்தடுத்து சோதனை

ஏ. ஆர். முருகதாஸ் இயக்கத்தில் ரஜினிகாந்த் போலீஸ் அதிகாரியாக நடித்த தர்பார் படம் கடந்த 9ம் தேதி ரிலீஸானது. படம் ரிலீஸான சில மணிநேரத்தில் அதை ஆன்லைனில் கசியவிட்டது தமிழ் ராக்கர்ஸ். தர்பார் படம் ஹெச்.டி. ப்ரிண்ட்டில் தமிழ் ராக்கர்ஸில் வந்ததை பார்த்து ரஜினி ரசிகர்கள் அதிர்ச்சி அடைந்தனர்.

இந்நிலையில் தர்பார் ரிலீஸான நான்கே நாட்களில் மதுரையில் உள்ள லோக்கல் டிவி சேனலில் வந்துவிட்டது. டிவியில் தர்பாரை பார்த்த ரஜினி ரசிகர்கள் அதிர்ச்சி அடைந்து உடனே அதை வீடியோ எடுத்து சமூக வலைதளத்தில் வெளியிட்டு லைகா நிறுவனத்திடம் புகார் தெரிவித்தனர்.

அசுரன், பிகில், விஸ்வாசம், கைதி: போட்டி போட்டு புதுப்படங்களை ஒளிபரப்பும் டிவி சேனல்கள்

தர்பார் படத்தை வாட்ஸ்ஆப்பிலும் பலர் ஷேர் செய்கிறார்கள். இதை பார்த்த லைகா நிறுவனமோ, யாராவது தர்பாரை வாட்ஸ்ஆப்பில் ஷேர் செய்தால் உடனே புகார் தெரிவிக்குமாறு சினிமா ரசிகர்களை கேட்டுக் கொண்டுள்ளது.

தர்பார் படத்தை பார்த்தவர்கள் ரஜினி இளமையாக தெரிகிறார், சுறுசுறுப்பாக இருக்கிறார் என்பது எல்லாம் சரி ஆனால் கதையை எங்கய்யா என்று கேள்வி எழுப்பினார்கள். தர்பார் பற்றி சமூக வலைதளங்களில் நெகட்டிவ் விமர்சனம் வந்த நிலையில் இப்படி அடுத்தடுத்து சோதனை ஏற்பட்டுக் கொண்டிருக்கிறது.

Darbar சென்னை பாக்ஸ் ஆபிஸில் கில்லி தர்பார்: வசூல் விபரம் தெரியணுமா?

சோலோ ரிலீஸாக வந்த போதிலும் தர்பாருக்கு தினமும் ஒரு பிரச்சனையாக உள்ளது. முன்னதாக கைதி ஷாப்பிங் போகும் வசனத்திற்கு எதிர்ப்பு கிளம்பியதால் நீக்கப்பட்டது என்பது குறிப்பிடத்தக்கது.