பியர் கிரில்ஸுக்கு நன்றி தெரிவித்த ரஜினி!

டிஸ்கவரி சேனலில் இன் டூ தி வைல்டு நிகழ்ச்சியில் பங்கு பெற்ற நடிகர் ரஜினிகாந்த், அந்த நிகழ்ச்சியை தொகுத்து வழங்கும் பியர் கிரில்ஸுக்கு நன்றி தெரிவித்து ட்வீட்டியுள்ளார். அதில் அவரை நண்பா என அழைத்துள்ளார் ரஜினிகாந்த்.



டிஸ்கவரி சேனலுக்காக காடுகளில் தப்பிப் பிழைக்கு வாழ்க்கை முறையை கற்றுத் தரும் சிறப்பு நிகழ்ச்சியை நடத்தி வருபவர் பியர் கிரில்ஸ். இவர் இந்தியாவின் முக்கிய புள்ளிகளை தனது சிறப்பு எபிசோட்களுக்காக சந்தித்து, காடுகளில் வாழ்வது எப்படி என்பதை கற்றுத் தருவார். அப்படி இந்தியாவின் பிரபல நட்சத்திரமான ரஜினிகாந்தையும் அந்த நிகழ்ச்சிக்காக அழைத்திருந்தார்கள். ரஜினியும் மகிழ்ச்சியுடன் கலந்து கொண்டார்.

பியர் கிரில்ஸ் அவ்வப்போது இந்த நிகழ்ச்சி குறித்த தகவல்களையும், நிகழ்ச்சியில் ரஜினி செயல்பட்ட விதம் குறித்தும், சில வீடியோக்களையும் பதிவேற்றி ரசிகர்களை மகிழச் செய்தார்.

ரஜினி கலந்து கொண்ட அந்த நிகழ்ச்சி இன்று இரவு 8 மணிக்கு டிஸ்கவரி சேனலில் ஒளிபரப்பப்படுகிறது. முன்னதாக ரஜினி தனது ட்விட்டர் பக்கத்தில் பியர் கிரில்ஸுக்கு நன்றி தெரிவித்து பதிவிட்டிருந்தார். அந்த பதிவுக்கு கீழ் ரசிகர்கள் பல கமெண்ட்களை பதிவிட்டிருந்தனர்.


உங்களை நினைத்து பெருமையாக இருக்கிறது தலைவா. வயது உங்களைப் பொறுத்தவரை வெறும் எண் தான். இவ்வாறு ரசிகர் ஒருவர் கமெண்ட் செய்துள்ளார்.

த்ரில்லான, கலகலப்பான நிகழ்ச்சியாக இது அமைந்திருக்கிறது என இன்னொருவர் இந்த நிகழ்ச்சியைப் பற்றி கருத்து தெரிவித்துள்ளார்.