மருத்துவ பரிசோதனைக்காக அமெரிக்கா செல்லும் ரஜினி

நடிகர் ரஜினிகாந்த் மருத்துவ பரிசோதனைக்காக இன்றிரவு அமெரிக்கா செல்ல இருப்பதாக தகவல் வெளியாகியுள்ளது.

நடிகர் ரஜினி ‘காலா’ படத்தின் இரண்டாம் கட்ட படப்பிடிப்பு இம்மாதம் 24ம் தேதி மும்பையில் துவங்கியது. படப்பிடிப்பை முடித்துக் கொண்டு அங்கிருந்து அமெரிக்கா செல்ல திட்டமிட்டுள்ளதாக முன்பே தகவல் வெளியானது..

பா.ரஞ்சித் இயக்கத்தில் ரஜினிகாந்த் நடித்துவரும் ‘காலா’ படத்தின் படப்பிடிப்பு கடந்த மாதம் மும்பையில் தொடங்கியது. அங்கு தொடர்ந்து 10 நாட்கள் தங்கி ‘காலா’ படத்தின் முதல்கட்ட படப்பிடிப்பில் ரஜினிகாந்த் கலந்துகொண்டார். இந்தப் படத்தின் முதல் கட்ட படப்பிடிப்பை முடித்துக் கொண்டு, சில நாட்களுக்கு முன் சென்னை திரும்பினார்.

இந்நிலையில் கடந்த 24-ம் தேதி மீண்டும் தொடங்கிய ‘காலா’ படத்தின் அடுத்தக் கட்ட படப்பிடிப்புக்காக மும்பை சென்ற ரஜினிகாந்த், அங்கிருந்து இன்றிரவு சிகிச்சைக்காக அமெரிக்கா செல்ல திட்டமிட்டுள்ளதாக கூறப்படுகிறது.

அமெரிக்காவில் சில தினங்கள் தங்கி மருத்துவ பரிசோதனை செய்துகொள்கிறார். இதை முடித்துக்கொண்டு மீண்டும் ஜூலை 12-ம் தேதி அவர் சென்னை திரும்புகிறார்.மேலும் 2.0 படத்தின் விளம்பர நிகழ்ச்சி ஒன்று அமெரிக்கவில் நடைபெற உள்ளது. அதில் ரஜினி கலந்து கொள்வார் என்று ஏதிர்பார்க்கப்படுகிறது.