ரஜினிகாந்த் அண்ணி கலாவதி காலமானார்!!

நடிகர் ரஜினிகாந்தின் அண்ணன் சத்திய நாராயணராவ்வின் மனைவி பத்மாவதி அம்மாள் (70) உடல்நலக் குறைவால் நேற்று இரவு பெங்களூருவில் காலமானார்.

நடிகர் ரஜினிகாந்த் சினிமா துறைக்கு வருவதற்கு முன்பு இவர்கள்தான் ரஜினியை தங்களது மகன் போல் வளர்த்து வந்தனர். இவர்கள் மீது ரஜினிகாந்த் எப்போதும் அளவு கடந்த பாசம் வைத்து இருந்தார்.

சிறுநீரகக் கோளாறு, சர்க்கரைநோய் ஆகியவற்றால் பாதிக்கப்பட்டு இருந்த கலாவதி பாய், பெங்களூருவில் உள்ள அப்போலோ மருத்துவமனையில் அனுமதிக்கப்பட்டு சிகிச்சை பெற்று வந்தார். தீவிர சிகிச்சைப் பிரிவில் இருந்த கலாவதிபாய்க்கு நேற்று இரவு 11.30 மணிக்கு மாரடைப்பு ஏற்பட்டது. மருத்துவர்கள் தீவிர சிகிச்சை அளித்தும் பலன் அளிக்காமல் அவரது உயிர் பிரிந்தது.

தகவல் அறிந்த ரஜினிகாந்த் இன்று காலை 8.40 மணிக்கு பெங்களூரு புறப்பட்டுச் சென்றார். பத்மாவதியின் உடல் அவர்களின் ‘குரு கிருபா’ இல்லத்தில் அஞ்சலிக்காக வைக்கப்பட்டுள்ளது.

உறவினர்களும் நண்பர்களும் அவரது உடலுக்கு இறுதி அஞ்சலி செலுத்தி வருகின்றனர். சத்திய நாராயண ராவ் - பத்மாவதி தம்பதிக்கு ராமகிருஷ்ணன், மகாதேவ், பாண்டுரங்கன், ஆகிய 3 மகன்களும் ராதாபாய் என்ற மகளும் உள்ளனர். பத்மாவதியின் இறுதிச் சடங்குகள் இன்று மாலை நடப்பதாக தெரிய வந்துள்ளது.