உலகளவில் பாக்ஸ் ஆபிஸ் கலெக்‌ஷனில் கபாலி படம் ரூ.600 கோடி வசூல் செய்துவிட்டதா?

சென்னை: சூப்பர் ஸ்டார் ரஜினிகாந்த் நடிப்பில் வெளிவந்த படம் கபாலி. இப்படம் வெளிவருவதற்கு முன்னரே வசூல் மழை தொடங்கிவிட்டது. கபாலி படம் வெளிவந்து 10 நாட்களில் ரூ.600 கோடி வசூல் செய்துவிட்டதாக தகவல் தெரிவிக்கின்றது.

அப்படியென்றால், உலகளவில் பாகுபலி படத்தின் வசூலை சமன் செய்துள்ளது என்றும், சுல்தானின் ரூ.550 கோடி வசூலை ஓவர்டேக் செய்துள்ளது என்றும் கூறலாம். உலகளவில் இப்படத்தின் டிக்கெட் விற்பனை மட்டும் ரூ.300 கோடி. முதல் மூன்று நாட்களில் மட்டும் கபாலி ரூ. 110 கோடி வசூல படைத்தது குறிப்பிடத்தக்கது.

உலகளவில், முதல் வாரத்தில் ரூ.260 கோடியும், இரண்டாவது வாரத்தில் ரூ.300 கோடியும் வசூல் செய்துவிட்டது. தயாரிப்பாளர் கலைப்புலி எஸ். தாணு கூறியது போல் கபாலி படம் ரூ.500 கோடிக்கு மேல் வசூல் படைத்துவிட்டது.

அமீர் கானின் பிகே ரூ.790 கோடிக்கு மேல் வசூல் படைத்து முதலிடத்திலும், சல்மான் கானின் பஜ்ராங்கி பைஜான் ரூ.626 கோடி வசூல் படைத்து இரண்டாவது இடத்திலும், பாகுபலி ரூ.600 கோடியும் வசூல் படைத்து பாக்ஸ் ஆபிஸ் கலெக்ஷனில் மூன்றாவது இடத்திலும் உள்ளது.