டுவிட்டரில் டிரெண்டான ஒரு நிமிஷம் தலை சுத்திருச்சு ஹேஷ்டேக்!

ரஜினி கூறிய ஒரு நிமிஷம் எனக்கு தலை சுத்திருச்சு என்ற ஹேஷ்டேக் டுவிட்டரில் இந்திய அளவில் டிரெண்டாகியுள்ளது.

நடிகர் ரஜினிகாந்த் ரசிகர்கள் மத்தியில் தனது ஆன்மீக அரசியல் குறித்த அறிவிப்பை கடந்த ஆண்டு டிசம்பர் 31ம் தேதி அறிவித்தார். அதோடு, அரசியல் மாற்றத்திற்கு நேரம் வந்துவிட்டதாகவும், வரும் சட்டமன்ற தேர்தலில் தனிக்கட்சி துவங்குவதாகவும் கூறினார். கடந்த 1996ம் ஆண்டு முதல் தனது அரசியல் முடி காலம் தான் என்று ரஜினி கூறிவந்த நிலையில், தனது அதிகாரப்பூர்வ அரசியல் பிரவேசம் குறித்து அறிவித்தார். இந்த அறிவிப்பு தொடர்பாக தமிழகத்தில் பெரும் பூகம்பம் வெடித்தது. ஒரு பக்கம் ரஜினிக்கு பலர் ஆதரவு தெரிவித்து வந்த நிலையில், பலர் எதிர்ப்பும் தெரிவித்தனர்.

Thanks for trending nationally #ஒருநிமிஷம்_தலைசுத்திருச்சு 😂😂😂🙏 pic.twitter.com/8GMLs1Xnxf — #ஒருநிமிஷம்_தலைசுத்திருச்சு (@ImYuthas) January 5, 2018 ரஜினியின் அரசியல் அறிவிப்பின் போது முந்தா நாள் ஒருவர் டக்கென்று மைக்கை நீட்டி சார் உங்கள் கொள்கைகள் என்ன என்று என்னிடம் கேட்டார். என்னது கொள்கைகளா? எனக்கு அப்படியே ஷாக் ஆகிவிட்டது. அதோடு, ஒரு நிமிடம் தலையே சுத்தி விட்டது. சோ சார் என்னிடம் மீடியா கிட்ட ரொம்ப உஷாரா இருங்க என்று ஆரம்பத்திலேயே பயமுறுத்தி வச்சிருக்காரு. ஆனால், இந்த நேரத்தில் அவர் இல்லாதது எனக்கு வருத்தம் அளிக்கிறது. இப்போது, அவர் என்னருகில் இருந்திருந்தால், எனக்கு கிட்டத்தட்ட 10 யானைகள் பலம் வந்திருக்கும் என்றார்.

இதையடுத்து, ரஜினியின் அரசியல் பிரவேசத்தை தொடர்ந்து கட்சிப்பணிகளில் தீவிரம் காட்டி வருகிறார். அதன்படி, இணையதளம், டுவிட்டர் பக்கத்தை தொடங்கி ரசிகர்களை குவித்து வருகிறார். இந்த நிலையில், ரஜினி கூறிய ஒரு நிமிஷம் எனக்கு தலையே சுத்திருச்சு என்ற ஹேஷ்டேக் தற்போது சமூக வலைதளங்களில் வைரலாகி வருகிறது. அதோடு, இந்தியளவில் டிரெண்டாகியும் வருகிறது.