'சீனியர்ஸ்' சத்யராஜ், ராஜ்கிரணை இயக்கும் பாண்டியராஜ்

இயக்குனர் பாண்டியராஜின் கேடி பில்லா கில்லாடி ரங்கா 2 திரைப்படத்தில், சத்யராஜ் மற்றும் ராஜ்கிரண் ஆகிய மூத்த நடிகர்கள் நடிக்கவுள்ளனர்.

கேடி பில்லா கில்லாடி ரங்கா 2 திரைப்படத்தில், ஜி. வி. பிரகாஷ் முக்கிய கதாபாத்திரத்தில் நடிக்கவுள்ளதாக, ஏற்கனவே நாம் செய்தி வெளியிட்டிருந்தோம். இந்நிலையில், சத்யராஜ் மற்றும் ராஜ்கிரண் ஆகிய மூத்த நடிகர்களை முதல் முறையாக இயக்குனர் பாண்டியராஜ் இயக்கவுள்ளார்.

இப்படக்குழுவினருக்கு நெருக்கமான ஒருவர கூறியதாவது, "சத்யராஜ் மற்றும் ராஜ்கிரண் ஆகிய இருவரும் பட ஒப்பந்தத்தில் கையெழுத்திட்டுள்ளனர். இவர்கள் இருவரும் படத்தில் ஜி. வி. பிரகாஷின் தாத்தாக்களாக நடித்துள்ளனர். இப்படம், ஜி. வி. பிரகாஷ், சத்யராஜ் மற்றும் ராஜ்கிரண் ஆகிய மூவரின் கதாபாத்திரங்களை சுற்றியே அமையும்.

வரும் மே மாதம் முதல் கேடி பில்லா கில்லாடி ரங்கா 2 திரைப்படத்தின் படப்பிடிப்பு கிராம சூழலில் துவங்கவுள்ளது. இப்படத்தின் மற்ற கதாபாத்திரங்கள் இன்னும் உறுதி செய்யப்படவில்லை" என்று தெரிவித்தார்.